இந்தப் பக்கம் ரஜினி, அந்தப் பக்கம் கமல்: ஆஹா மகிழ்ச்சியில் அனிருத்!

மகிழ்ச்சியில் இருக்கிறார் இசை அமைப்பாளர் அனிருத். சமீபத்தில் ’கோலமாவு கோகிலா’வுக்காக அவர் வெளியிட்ட, ’கல்யாண வயசுதான்...’ பாடல் கன்னாபின்னா ஹிட்! இன்னும் ஏராளமானோர்களின் விருப்ப லிஸ்ட்டில் இருக்கிறது, இந்தப் பாடல்!. 

இது ஒரு பக்கம் இருந்தாலும் அவர் மகிழ்ச்சியை இன்னும் அதிகமாகி இருக்கிறது, ஷங்கர்- கமல் காம்போவின், ’இந்தியன் 2’. 1996-ல் வெளியான ’இந்தியன்’ படத்தின் அடுத்த பாகத்தை இயக்குகிறார் ஷங்கர். கமல்ஹாசன், மக்கள் நீதி மையத்தை கையில் எடுத்திருக்கும் நேரத்தில் உருவாவதால் படம், அரசியல் பேசும் என்றும் அரசியல் தாண்டியும் பேசும் என்றும் சாலிக்கிராமத்தில் உலவுகிறது, லீக்கான வசனங்கள்! 

(கல்யாண வயசுதான்...)

லைகா தயாரிக்கும் இந்தப் படத்துக்கு இசை அமைக்கும் வாய்ப்பு அனிருத்துக்கு கிடைத்திருக்கிறது. ஏற்கனவே கார்த்திக் சுப்புராஜ் இயக்கத் தில் ரஜினிகாந்த் நடிக்கும் படத்துக்கு சார்தான் இசை அமைப்பாளர்! இப்போது கமல் படமும் கைக்கு வந்திருப்பதால் இந்தப் பக்கம் ரஜினி, அந்தப்பக்கம் கமல் என்று அனிருத் அமைதியாகக் கொண்டாடுகிறார், ஆஹாவென்று!