டீமில் இருக்கிறேனா இல்லையா என்ற கவலை இல்லை: ரோகித் சர்மா

இந்திய அணியில் இடம் கிடைக்கிறதா ? ஆடும் லெவனில் இருக்கிறேனா இல்லையா என்ற கவலை எனக்கு இல்லை என்று இந்திய கிரிக்கெட் அணியின் தொடக்க ஆட்டக்காரர் ரோகித் சர்மா தெரிவித்துள்ளார்.

ஐபிஎல் கிரிக்கெட் தொடரில் மும்பை அணிக்கு கேப்டனாக இருந்தார் ரோகித் சர்மா. ஆனால் அந்த அணியின் மோசமான ஆட்டம் காரணமாக ஐபிஎல் தொடரின் லீக் சுற்றிலேயே வெளியேறியது. மேலும், ரோகித் சர்மாவும் அந்தத் தொடரில் பெரியளவில் ரன்களை குவிக்கவில்லை. இந்நிலையில் ரோகித் சர்மா மனம் திறந்து பல்வேறு விஷயங்களை ஊடகத்துக்கு பகிர்ந்துள்ளார் அதில் " ஒவ்வொரு விளையாட்டு வீரருக்கும் ஓர் எல்லை இருக்கிறது. அந்த எல்லையில் பாதியை நான் கடந்துவிட்டேன். எனவே, இந்திய அணியில் இடம் கிடைக்கிறதா இல்லையா என்பதை பற்றிய கவலை எனக்கு இல்லை. இப்போது எனக்கிருக்கும் மனநிலை, வாய்ப்புகள் கிடைக்கும்போது பயன்படுத்திக்கொள்ள வேண்டும் என்பதே" என தெரிவித்துள்ளார் ரோகித் சர்மா.