கார்த்தியின் அடுத்தப்பட தலைப்பு ‘தேவ்’?

கார்த்தி நடிக்க உள்ள திரைப்படத்தின் தலைப்பு குறித்த செய்தி வெளியாகியுள்ளது. 

‘தீரன் அதிகாரம் ஒன்று’ படத்தின் வெற்றிக்கு பிறகு கார்த்தியின் சினிமா வளர்ச்சி உயரத்தை தொட்டிருக்கிறது. ஒரு உண்மை சம்பவத்தை பின்புலமாகக் கொண்டு தயாரான இப்படம் பரவலான கவனத்தை ஈர்த்தது. இந்தப் படத்தை அடுத்து கார்த்தி நடிக்க உள்ள திரைப்படத்தை ரஜத் ரவி ஷங்கர் இயக்க இருக்கிறார். இதன் படப்பிடிப்பு விரைவில் தொடங்க உள்ளது. 

இந்நிலையில் கார்த்தி நடிக்க உள்ள திரைப்படத்தை பற்றி சுவாரஸ்யமான தகவல் வெளியாகியுள்ளது. இந்தப் படத்திற்கு படக்குழு ‘தேவ்’ என தலைப்பிட்டுள்ளதாக தெரிய வந்துள்ளது. இப்படத்தின் திரைக்கதையை ரொமாண்டிக் காமெடி படமாக வடிவமைத்துள்ளார் இயக்குநர். இதில் ராகுல் ப்ரீத் சிங் ஜோடியாக நடிக்கிறார். மேலும் ரம்யா கிருஷ்ணன், பிரகாஷ் ராஜ் என பலரும் நடிக்க உள்ளனர். படத்திற்கு ஹாரிஸ் ஜெயராஜ் இசையமைக்கிறார். இதனை இந்த ஆண்டின் இறுதியில் வெளியிட படக்குழு முடிவு செய்துள்ளது.