காங்கிரஸ் கட்சி மதச்சார்பற்ற ஜனதா தளத்துடன் கூட்டணி அமைத்தபோது தான் ஜனநாயகம் படுகொலை செய்யப்பட்டதாக பாரதிய ஜனதா தேசிய தலைவர் அமித் ஷா குற்றம்சாட்டியுள்ளார்.

தனது ட்விட்டர் பக்கத்தில் பதிவிட்டுள்ள அமித் ஷா, கர்நாடக மக்கள் நலனுக்காக இல்லாமல் அரசியல் ஆதாயத்துக்காக காங்கிரஸ் கட்சி மதச்சார்பற்ற ஜனதா தளத்துடன் சந்தர்ப்பவாத கூட்டணி அமைத்திருப்பது வெட்கக்கேடானது என்றும் இதுதான் ஜனநாயக படுகொலை என்றும் கூறியுள்ளார்.

பாரதிய ஜனதா 104 இடங்களை கைப்பற்றி பெரும்பான்மை பெற்றுள்ளது, காங்கிரஸ் மற்றும் மதச்சார்பற்ற ஜனதா தளம் பல இடங்களில் படுதோல்வி அடைந்துள்ளது என்று தெரிவித்த அவர், மக்கள் இதனை புரிந்து கொள்வார்கள் என்றும் கூறியுள்ளார். நாட்டில் அவசரகால நிலையை பிரகடனம் செய்த காங்கிரஸ் கட்சியின் வரலாறு அக்கட்சி தலைவர் ராகுல்காந்திக்கு நினைவில்லையா என்றும் அமித் ஷா வினவியுள்ளார்.