[X] Close

காற்று வாங்க மாடியில் தூங்கியவர் காலையில் மரணம்

Youngster-Die-for-Falling-in-3rd-Floor-at-Sleeping

சென்னை, மயிலாப்பூரில் உள்ள அடுக்குமாடி குடியிருப்பின் மூன்றாவது மாடியில் தூங்கியவர், தூக்கத்தில் தவறிவிழுந்து உயிரிழந்தார்.

சென்னையை அடுத்த ஏரிக்கரை உள்ளகரம்-புழுவாக்கத்தைச் சேர்ந்தவர் முருகன் (45). இவர் மயிலாப்பூர் பாலகிருஷ்ணா சாலையில் உள்ள அடுக்குமாடி குடியிருப்பில் தங்கி இருந்து கட்டிடத்தில் வேலை செய்து வந்தார். இரவு தூங்கும் போது புழுக்கமாக இருந்ததால், காற்று வாங்கிக்கொண்டே தூங்குவதற்காக 3வது மாடியில் உள்ள தண்ணீர் தொட்டி மேல் ஏறி தூங்கியுள்ளார்.


Advertisement

ஆழ்ந்த தூக்கத்தில் இருந்தபோது உருண்ட அவர், அங்கிருந்து தவறி கீழே விழுந்துள்ளார். இரவு நேரம் என்பதால் அவர் விழுந்தது பலத்த சத்தமாக
கேட்டுள்ளது. இதையடுத்து அக்கம்பக்கத்தினர் ஓடிவந்து, பலத்தகாயத்துடன் கிடந்த முருகனை மீட்டு ராயப்பேட்டை அரசு மருத்துவமனைக்கு கொண்டு சென்றுள்ளனர். அங்கு அவருக்கு சிகிச்சை அளிக்கப்பட்டும் பலனின்றி, அதிகாலையில் உயிரிழந்தார். இருப்பினும் மரணம் காரணங்களின் பின்னணி குறித்து காவல்துறையினர், வழக்குப்பதிவு செய்து விசாரித்து வருகின்றனர். 

Advertisement:

Advertisement

Advertisement
[X] Close