Published : 14,May 2018 08:07 AM

6 வயது சிறுமிக்கு பாலியல் தொந்தரவு: இளைஞரை சரமாரியாக தாக்கிய எம்எல்ஏ

AIMIM-lawmaker--party-workers-attack-child-rape-attempt-accused-in-Hyderabad

 

ஹைதராபாத்தில் 6 வயது சிறுமியை பாலியல் வன்கொடுமை செய்ய முயன்றதாக கைது செய்யப்பட்ட நபரை, ஒரு எம்எல்ஏ தனது ஆதரவாளர்களுடன் சேர்ந்து காவல்நிலையத்திற்குள் புகுந்து அடித்து உதைத்துள்ளார்.

இஸ்மாயில் என்பவர், அவர் வசித்த பகுதியைச் சேர்ந்த 6 வயது சிறுமியை பாலி‌யல் வன்கொடுமை செய்ய முயன்றதாக தெரிகிறது. சிறுமியின் அலறல் சத்தம் கேட்டு அக்கம்பக்கத்தினர் அச்சிறுமியை மீட்டனர். தகவல் அறிந்த காவல்துறையினர் சம்பவ இடத்திற்கு விரைந்து இஸ்மாயிலை கைது செய்து சதேர்காட் காவல்நிலையத்திற்கு அழைத்துச் சென்றனர். இதனிடையே ஏஐஎம்ஐஎம் கட்சியை சேர்ந்த மலாக்பேட் தொகுதி எம்.எல்.ஏ அகமது பிலால் தனது ஆதரவாளர்களுடன் காவல்நிலையத்திற்குள் புகுந்து இஸ்மாயிலை சரமாரியாக தாக்கியுள்ளார். இந்தக் காட்சிகள் அங்குள்ள சிசிடிவில் பதிவாகின. இக்குற்ற செயலில் ஈடுபட்ட இஸ்மாயிலுக்கு அதிகபட்ச தண்டனை வழங்க பரிந்துரை செய்யப்படுவதாக காவல்துறையினர் தெரிவித்தனர்.

சற்று முன்



எடிட்டர் சாய்ஸ்