[X] Close

கர்நாடக சட்டப்பேரவைத் தேர்தல்: 72.13 சதவிகித வாக்குகள் பதிவு

Karnataka-assembly-election-2018--72-13--vote

கர்நாடக சட்டப்பேரவைத் தேர்தலில் 72.13 சதவிகித வாக்குகள் பதிவாகியுள்ளதாக அறிவிக்கப்பட்டுள்ளது. வாக்கு எண்ணிக்கை நாளை மறுநாள் நடைபெறுகிறது.

கர்நாடகாவில் மொத்தமுள்ள 224 தொகுதிகளில், 222 தொகுதிகளுக்கு வாக்குப்பதிவு நடைபெற்றது. ஜெயநகர் தொகுதி பாஜக வேட்பாளர் விஜயகுமார் மரணம் அடைந்ததால் அந்த தொகுதிக்கும், ஆயிரக்கணக்கான வாக்காளர் அடையாள அட்டைகள் பறிமுதல் செய்யப்பட்டதால்‌ ராஜ ராஜேஸ்வரி நகர் தொகுதிக்கும் தேர்தல் ஒத்திவைக்கப்பட்டுள்ளது. வாக்குப்பதிவு காலை 7 மணிக்கு தொடங்கி, மாலை 6 மணி வரை நடைபெற்றது. மக்கள் நீண்ட வரிசையில் காத்திருந்து வாக்களித்தனர். இந்த தேர்தலில் 72.13 சதவிகித வாக்குகள் பதிவாகி இருப்பதாக தேர்தல் ஆணையம் அறிவித்துள்ளது. தேர்தல் முடிந்ததையொட்டி, வாக்குகள் பதிவான மின்னணு வாக்குப்பதிவு இயந்திரங்கள் காவல்துறையினர் பாதுகாப்புடன் வாக்கு எண்ணும் மையங்களுக்குக் கொண்டு செல்லப்பட்டன. நாளை மறுநாள் வாக்குகள் எண்ணப்பட்டு, தேர்தல் முடிவுகள் அறிவிக்கப்பட உள்ளன.

Advertisement:

Advertisement

Advertisement
[X] Close