Published : 07,May 2018 06:22 AM

தமிழகத்துக்கு தண்ணீர் திறக்க இயலாது: கர்நாடக அரசு

Unable-to-release-cauvery-water-to-Tamilnadu--karnataka-tells-SC

போதிய மழை இல்லாத காரணத்தால் காவிரியில் தண்ணீர் திறக்க இயலாது என உச்சநீதிமன்றத்தில் கர்நாடக அரசு அறிக்கை தாக்கல் செய்துள்ளது.

காவிரி மேலாண்மை வாரியம் அமைக்க மத்திய அரசுக்குக் கொடுக்கப்பட்ட கால அவகாசம் முடிந்த பின்பும் வாரியம் அமைக்கப்படவில்லை. இதுகுறித்த வழக்கு உச்ச நீதிமன்றத்தில் நடந்து வருகிறது. இந்த வழக்கின் அடுத்தகட்ட விசாரணை, உச்ச நீதிமன்றத்தில் நாளை விசாரணைக்கு வருகிறது. கடந்த விசாரணையின்போது, காவிரியில் இருந்து தமிழகத்துக்கு 4 டிஎம்சி தண்ணீர் திறக்க வேண்டும் என்று கர்நாடகாவிற்கு உச்ச நீதிமன்றம் உத்தரவு பிறப்பித்தது. இந்த உத்தரவை மீறி செயல்பட்டால் கர்நாடக அரசு மீது கடும் விளைவுகளைச் சந்திக்க வேண்டி வரும் என்றும் நீதிமன்றம் கூறியது. இந்த நிலையில் தமிழகத்துக்கு காவிரி நீர் திறந்துவிட இயலாது என உச்சநீதிமன்றத்தில் கர்நாடகா அரசு கூறியுள்ளது. 

போதிய மழை இல்லாததால் உச்சநீதிமன்ற உத்தரவை அமல்படுத்த இயலாது என்றும் விளக்கம் அளித்துள்ளது. மேலும் இந்த ஆண்டு ஏப்ரல் வரை தமிழகத்திற்கு 116.7 டிஎம்சி நீர் திறக்கப்பட்டுள்ளது. தமிழகத்திற்கு ஒதுக்கப்பட்டதைவிட கூடுதலாக 16.66 டி.எம்.சி தண்ணீர் திறந்துவிட்டுள்ளோம். அதனால் கூடுதலாக தண்ணீர் தர முடியாது என்றும் கூறியுள்ளது.

 


 

சற்று முன்



எடிட்டர் சாய்ஸ்