காரைக்குடி அருகே ஆசிரியர் ஒருவர் மது அருந்தி வகுப்பறையில் மயங்கி கிடந்த அவலம் அரங்கேறியுள்ளது.

சிவகங்கை மாவட்டம் காரைக்குடியைச் சேர்ந்த ரஜினிகாந்த் என்பவர் திருபுவனம் அருகே பூவந்தி அரசு உயர் நிலைப்பள்ளியில் விளையாட்டு ஆசிரியராக பணி புரிந்து வருகிறார். நேற்று மதிய உணவு இடைவேளைக்கு பிறகு வெளியே சென்று வந்த அவர், அளவுக்கு அதிகமாக குடித்துவிட்டு பள்ளி அறையில் விழுந்து கிடந்துள்ளார். இதுபற்றி சக ஆசிரியர்கள் கல்வி அதிகாரிக்கு தகவல் கொடுத்தனர். இதனையடுத்து மாவட்ட முதன்மை கல்வி அதிகாரி ஏஞ்சனா இருதயராஜ் உத்தரவின் பேரில், கல்வி அதிகாரி பள்ளிக்கு நேரில் சென்று விசாரணை மேற்கொண்டார். போதை தெளியாத நிலையில் இருந்த ரஜினிகாந்தை மருத்துவமனைக்கு அனுப்பி வைத்தனர். சக ஆசிரியர்களிடம் இருந்து வாக்குமூலத்தை பெற்றுக் கொண்ட கல்வி அதிகாரி, மேல் அதிகாரிகளிடம் சமர்பித்து ஆசிரியர் மீது துறை ரீதியிலான நடவடிக்கை எடுக்கப்படும் எனத் தெரிவித்தார்.