ஆஸ்திரேலிய வீரர்கள் மீதான புகாரை திரும்பப் பெற்றது பிசிசிஐ

டி.ஆர்.எஸ் விவகாரத்தில் ஆஸ்திரேலிய வீரர்கள் மீது அளித்த புகாரை இந்திய கிரிக்கெட் வாரியம் திரும்பப் பெற்றுள்ளது.

முன்னதாக, நடுவரின் முடிவை மறுபரிசீலனை செய்யும் டி.ஆர்.எஸ். முறையை, தவறாக பயன்படுத்த முயன்ற ஸ்டீவன் ஸ்மித், ஹேண்ட்ஸ்கோம்ப் ஆகியோர் மீது நடவடிக்கை எடுக்கக்கோரி சர்வதேச கிரிக்கெட் கவுன்சிலிடம் பிசிசிஐ புகார் அளித்திருந்தது. இது தொடர்பான காணொளிக் காட்சிகளுடன் இணைக்கப்பட்ட மின்னஞ்சலை சர்வதேச கிரிக்கெட் கவுன்சிலுக்கு, இந்திய கிரிக்கெட் வாரியம் அனுப்பி வைத்திருந்தது. இந்நிலையில் ஆஸ்திரேலிய வீரர்கள் மீது அளித்த புகாரை பிசிசிஐ திரும்பப் பெற்றுள்ளது.

பெங்களூரு டெஸ்ட் போட்டியில் நடுவரின் முடிவை மறுபரிசீலனை செய்வதற்காக, ஓய்வறையில் இருந்த சக வீரர்களிடம் ஸ்மித், ஹேண்ட்ஸ்கோம்ப் ஆகியோர் கருத்து கேட்க முற்பட்டது சர்ச்சையை ஏற்படுத்தியிருந்தது.