[X] Close

‘ஹாய்.. என் பெயர் மோடி.. நாட்டின் பிரதமர்’... ராகுல்காந்தி கடும் கிண்டல்

Congress--BJP-engage-in-war-of-words-over-technology-and-user-data

பிரதமர் மோடியின் ஆப்ஸ் மூலம் மக்களின் தகவல்கள் திருடப்படுவதாக வெளியான விவகாரத்தில் காங்கிரஸ் மற்றும் பாரதிய ஜனதா கட்சி இடையே கடுமையான வார்த்தை போர் மூண்டுள்ளது.


Advertisement

மக்களுடன் உரையாடவும், செய்திகளை பகிர்ந்துகொள்ளவும் ஆண்ட்ராய்டு ஸ்மார்ட் போன்களில் ‘நரேந்திர மோடி மொபைல் அப்ளிகேஷனை’ (Narendra Modi Mobile App) பிரதமர் மோடி கடந்த 2015-ம் ஆண்டு ஜூலை 17-ம் தேதி அறிமுகம் செய்துவைத்தார். இதனை கூகுள் பிளே ஸ்டோரில் மூலம் பதிவிறக்கம் செய்யலாம். இந்த மொபைல் ஆப்ஸில், பிரதமர் மோடியின் அறிவிப்புகள், திட்டங்கள், தனிப்பட்ட முறையிலான மின்னஞ்சல்கள், மான்கிபாத் உரைகள் போன்றவை இடம்பெற்றிருக்கும்.

இதனிடையே, மோடி ஆண்ட்ராய்ட் ஆப்ஸில்(செயலி) பதிவு செய்யும் இந்தியர்களின் தனிப்பட்ட விவரங்களை அவர்களின் சம்பந்தமின்றி அமெரிக்க நிறுவனம் ஒன்று திருடுவதாக அதிர்ச்சி தகவல் வெளியானது. பிரான்ஸ் நாட்டைச் சேர்ந்த இணைய பாதுகாப்பு நிறுவனத்தின் ஆய்வாளர் எலியாட் ஆல்டர்சென் தனது ட்விட்டர் பக்கத்தில் இதுகுறித்த பல தகவல்களை பதிவிட்டிருந்தார்.


Advertisement

இந்த விவகாரம் பாரதிய ஜனதா கட்சிக்கு கடும் நெருக்கடியை ஏற்படுத்தியிருக்கும் நிலையில் இதுதொடர்பாக பாஜக- காங்கிரஸ் இடையே வார்த்தை போர் மூண்டுள்ளன. இதுதொடர்பாக பிரதமர் மோடியை விமர்சித்து காங்கிரஸ் தலைவர் ராகுல்காந்தி ட்விட்டரில் பதிவிட்டுள்ளார். அதில், “ஹாய். என் பெயர் நரேந்திர மோடி. நான் தான் இந்தியாவின் பிரதமர். என்னுடைய அலுவலக ரீதியான அதிகாரப்பூர்வ மொபைல் ஆப்பை நீங்கள் பதிவேற்றம் செய்யும்போது உங்களின் அனுமதி இல்லாமலேயே உங்களின் தகவல்களை என்னுடைய நண்பர்களான அமெரிக்க கம்பெனிக்கு கொடுத்துவிடுவேன்” என கிண்டலாக பதிவிட்டுள்ளார்.

இதற்கு பாஜகவும் கடுமையான விமர்சனத்தை முன்வைத்துள்ளது. டெக்னாலஜியில் ராகுல்காந்தி அறிவே இல்லாதவர் என பாஜக விமர்சித்திருக்கிறது.


Advertisement

Advertisement

Advertisement
[X] Close