[X] Close

ஷமி மீதான மேட்ச் பிக்சிங் புகார்: பிசிசிஐ விசாரிக்க முடிவு

investigate-fixing-charges-against-Mohammed-Shami

முகமது ஷமி மேட்ச் பிக்சிங்கில் ஈடுபட்டாரா என்பது குறித்து பிசிசிஐ விசாரித்து வருகிறது


Advertisement

இந்திய கிரிக்கெட் அணியின் வேகப்பந்து வீச்சாளர் முகமது ஷமி. இவருக்கும் திருமணம் ஆகி ஒரு மகள் உள்ளார். இந்நிலையில் முகமது ஷமி குறித்து அவரது மனைவி ஹசின் ஜஹான் பல்வேறு குற்றச்சாட்டுகளை முன்வைத்துள்ளார். ஷமிக்கு பல்வேறு பெண்களுடன் தொடர்பிருப்பதாகவும் அவர்களுடன் தனிப்பட்ட முறையில் நேரம் செலவழிப்பதாகவும் அவர் தனது முகநூல் பக்கத்தில் ஆதாரங்களுடன் தெரிவித்தார்.

எனக்கு உண்மையாக இல்லாத ஷமி நாட்டுக்கும் உண்மையாக இல்லை.பாகிஸ்தானை சேர்ந்த அலிஷாப் என்ற பெண்ணிடம் பணம் வாங்கியுள்ளார். இங்கிலாந்தில் இருக்கும் முகமது பாயின் வலியுறுத்தலின் பேரில் அதைப் பெற்றுக்கொள்ள ஒப்புக்கொண்டார். அதற்கான ஆதாரம் என்னிடம் உள்ளது என்றார்.இதனையடுத்து இந்தாண்டுக்கான பிசிசிஐ வீரர்கள் ஒப்பந்ததில் ஷமியின் பெயர் இடம்பெறவில்லை. இது தாற்காலிக முடிவு தான் என பிசிசிஐ தரப்பில் இருந்து தெரிவிக்கப்பட்டது.


Advertisement

இந்நிலையில் முகமது ஷமி மேட்ச் பிக்சிங்கில் ஈடுபட்டாரா என்பது குறித்து பிசிசிஐ விசாரித்து வருகிறது. உச்சநீதிமன்றம் நியமித்த பிசிசிஐ நிர்வாக குழுத்தலைவர் வினோத் ராய், ஊழல் தடுப்பு பிரிவுக்கு அனுப்பியுள்ள கடிதத்தில் இதுதொடர்பாக விசாரித்து அறிக்கை தாக்கல் செய்யக் கேட்டுக்கொண்டுள்ளார்.

முன்னதாக மனைவியின் இந்த குற்றச்சாட்டுக்கு பதிலளித்த ஷமி,  நான் நாட்டிற்காக விளையாடுகிறேன், எனக்கு வாய்ப்பு கிடைத்த போதெல்லாம் சிறப்பாகவே செயல்படுகிறேன்.100 சதவீதம் அர்ப்பணிப்பு உணர்வோடு விளையாடி வருகிறேன்.என் நாட்டை ஏமாற்றுவதற்கு பதிலாக நான் இறந்துவிடுவேன்” என உணர்ச்சிகரமாக பதிலளித்தார். 


 


Advertisement

Advertisement

Advertisement
[X] Close