[X] Close

ரவுடிக்கு கேக் ஊட்டிய விவகாரம்: தலைமை காவலர் சஸ்பெண்ட்

Salem-Cake-Issue--Policeman-Suspend

 


Advertisement

சேலத்தில் ரவுடிக்கு கேக் ஊட்டிய விவகாரத்தில் கன்னங்குறிச்சி தலைமை காவலர் ஏழுமலை பணியிடை நீக்கம் செய்யப்பட்டுள்ளார்.

சேலம் மாவட்டம் கன்னங்குறிச்சி காவல் ஆய்வாளர் கருணாகரன். கன்னங்குறிச்சி பகுதியைச் சேர்ந்த சுசீந்திரகுமார், கடந்த சில ஆண்டுகளுக்கு முன்பு கொலை, கொள்ளை உள்ளிட்ட பல வழக்குகளில் தண்டனை பெற்றவர். சுசிந்திரகுமாரின் பிறந்தநாள் விழாவில்  கருணாகரன் கலந்து கொண்டதோடு, அவருக்கு கேக் ஊட்டி விட்டுள்ளார். இந்தப் புகைப்படம் சமூக வலைதளங்களில் பரவியது.


Advertisement

இதுகுறித்து விசாரித்த சேலம் மாநகர காவல் ஆணையர் சங்கர், ஆய்வாளர் கருணாகரனை இடமாற்றம் செய்து, காத்திருப்போர் பட்டியலில் வைக்க உத்தரவிட்டார்.துறை ரீதியான விசாரணை முழுமையடைந்த பிறகு, ஆய்வாளர் கருணாகரன் மீது அடுத்தகட்ட நடவடிக்கை எடுக்கப்படும் என தெரிவிக்கப்பட்டது.

இந்நிலையில்  இதே விவகாரத்தில் கன்னங்குறிச்சி தலைமை காவலர் ஏழுமலையை பணியிடை நீக்கம் செய்து சேலம் காவல் ஆணையர் சங்கர் உத்தரவிட்டுள்ளார்.


Advertisement

Advertisement
[X] Close