[X] Close

கடலில் மூழ்கியவரை உயிரைக் கொடுத்து காப்பாற்றி மீனவர்!

Fisherman-recover-a-person-falling-in-Sea

தன் உயிரை பொருட்படுத்தாமல் கடலில் அடித்து செல்லப்பட்டவரை காப்பாற்றிய மீனவருக்குப் பாராட்டுகள் குவிந்து வருகின்றன. 

கடலூர் தேவனாம்பட்டினம் கடற்கரையில் நடைபெற்ற மாசிமக விழாவின்போது, கடலில் குளித்த பெரியகாட்டுப்பாளையத்தை சேர்ந்த ஞானவேல் என்பவர் அலையில் அடித்து செல்லப்பட்டார். இவரை காப்பற்ற முயன்ற கடலோர காவல்படையினர் அலையின் சீற்றம் அதிகமாக இருந்ததால் முயற்சியை பாதியில் கைவிட்டனர். 

இதனை கேள்விப்பட்ட தேவனாம்பட்டினம் கிராமத்தை சேர்ந்த மீனவர், உயிரையும் பொருட்படுத்தாது கடலில் குதித்துள்ளார். அத்துடன் ராட்சத அலையில் சிக்கி மயங்கிய நிலையில் உயிருக்குப் போரடிக்கொண்டிருந்த ஞானவேல் என்பவரை தலைமுடியை பிடித்து, ராட்ஷச அலையில் போராடி நீந்தி கரைக்குக்கொண்டு வந்தார். கரையில் இருந்த காவல்துறையினர் அதன்பின் அவரை மீட்டு முதலுதவி செய்து கடலூர் தலைமை அரசு மருத்துவமனைக்கு சிகிச்சைக்காகக் கொண்டு சென்றனர். இந்தச் சம்பவத்தை அங்கிருந்த அனைவரும் கண்டு வியந்தனர். மேலும் உயிரைக் பணயம் வைத்து காப்பாற்றிய மீனவரை பாராட்டி வருகின்றனர்.


Advertisement
Advertisement:

Advertisement

Advertisement
[X] Close