[X] Close

2வது டெஸ்ட்: தவானுக்குப் பதில் களமிறங்குகிறார் ராகுல்!

2nd-test--Rahul-will-be-for-Dhawan

தென்னாப்பிரிக்க கிரிக்கெட் அணியுடன் செஞ்சுரியனில் நடக்க இருக்கும் இரண்டாவது டெஸ்ட் போட்டியில் தவானுக்கு பதிலாக தொடக்க ஆட்டக்காரர் கே.எல்.ராகுல் களமிறக்கப்படுவார் எனத் தெரிகிறது.

இந்திய கிரிக்கெட் அணி, தென்னாப்பிரிக்காவில் சுற்றுப்பயணம் செய்து விளையாடி வருகிறது. கேப்டவுனில் நடந்த முதல் டெஸ்ட் போட்டியில் இந்திய அணி மோசமாகத் தோற்றது. வெற்றிபெற வேண்டிய போட்டியை பேட்டிங்கில் சொதப்பியதால் கோட்டை விட்டது இந்திய அணி. இந்தப் போட்டியில் வெளிநாட்டு மண்ணில் சிறப்பாக விளையாடும் ரஹானே, சேர்க்கப்படாதது பலத்த விமர்சனத்துக்கு உள்ளானது. வீரர்களின் சமீபத்திய ஃபார்மை கணக்கில் கொண்டே, ஆடும் லெவனில் சேர்க்கப்பட்டார்கள் என்று இந்திய கிரிக்கெட் அணி தரப்பில் தெரிவிக்கப்பட்டது.

இந்நிலையில் இரண்டாவது டெஸ்ட் போட்டி, செஞ்சுரியனில் சனிக்கிழமை நடக்கிறது. இந்த ஆடுகளத்தில் பந்து பவுன்ஸ் ஆகும் என்றும் அதிகம் ஸ்விங் ஆகாது என்றும் கூறப்படுகிறது. இதனால் அணியில் மாற்றங்கள் செய்யப்பட இருக்கிறது. வெளிநாட்டில் அதிக சராசரி வைத்திருக்காத தவான் கழற்றிவிடப்படுகிறார். அவருக்குப் பதில் முரளி விஜய்யுடன் கே.எல்.ராகுல் களமிறங்குவார் என்று தெரிகிறது. அதே நேரம் ரோகித் சர்மாவுக்கு பதில் ரஹானே சேர்க்கப்படலாம் எனவும், ரோகித்துக்கு இன்னொரு வாய்ப்பு அளிக்கப்பட்டால், அஸ்வினை உட்கார வைத்துவிட்டு, ரஹானே சேர்த்துக்கொள்ளப்படுவார் எனவும் கூறப்படுகிறது.
 


Advertisement
Advertisement:

Advertisement

Advertisement
[X] Close