Published : 07,Jan 2018 02:07 PM

முதலமைச்சர் பழனிசாமியுடன் பொன்.ராதாகிருஷ்ணன் சந்திப்பு!

Central-Minister-Pon-Radhakrishnan-meet-CM-Palanisamy

முதலமைச்சர் எடப்பாடி பழனிசாமியை சென்னையில் உள்ள அவரது இல்லத்தில் மத்திய இணை அமைச்சர் பொன்.ராதாகிருஷ்ணன் சந்தித்து பேசினார். 

இது குறித்து பொன்.ராதாகிருஷ்ணன் வெளியிட்டுள்ள செய்திக் குறிப்பில், தமிழக போக்குவரத்து தொழிலாளர்களின் வேலைநிறுத்தப் பிரச்னையை விரைவில் முடிவுக்கு கொண்டுவர நடவடிக்கை எடுக்க வேண்டும் என வலியுறுத்தியதாக தெரிவிக்கப்பட்டுள்ளது. ஒகி புயலினால் உயிரிழந்தோரின் குடும்பத்தினருக்கு எந்தவித பாரபட்சமின்றி இழப்பீடு வழங்கிட முதலமைச்சரிடம் பொன்.ராதாகிருஷ்ணன் வேண்டுகோள் விடுத்துள்ளார்.

கன்னியாகுமரியில் துறைமுகம் அமைப்பதற்கு தமிழக அரசு தனது முழு ஒத்துழைப்பை வழங்கிடவும், தமிழகத்தில் நடைபெற்று வரும் பல்வேறு திட்டப்பணிகளை விரைந்து முடிக்க நடவடிக்கைகள் எடுத்திட அவர் வலியுறுத்தியுள்ளார். அதற்கு உரிய நடவடிக்கைகள் எடுப்பதாக முதலமைச்சர் தெரிவித்தாகவும் பொன்.ராதாகிருஷ்ணன் கூறியுள்ளார்.
 

சற்று முன்



எடிட்டர் சாய்ஸ்