அமெரிக்க தலைவர்களை பாகிஸ்தான் முட்டாள்களாக நினைத்துவிட்டது: ட்ரம்ப் ட்வீட்

அமெரிக்க தலைவர்களை பாகிஸ்தான் முட்டாள்களாக நினைத்துவிட்டது என டிரம்ப் ட்விட்டரில் பதிவிட்டுள்ளார்.

அமெரிக்காவிடம் இருந்து பாகிஸ்தான் ஏராளமான நிதி உதவிகளை பெற்று பயனடைந்து வந்துள்ளது. ஆனால், தீவிரவாதிகளுக்கு எதிரான ஆக்கப்பூர்வமான நடவடிக்கை எதையும் பாகிஸ்தான் அரசு எடுக்கவில்லை என சமீப காலமாக அமெரிக்க அரசு குற்றம்சாட்டி வருகிறது. பாகிஸ்தானுக்கு அளிக்கப்பட இருந்த சில நிதியுதவிகளும் சமீபத்தில் நிறுத்தி வைக்கப்பட்டுள்ளது.

கடந்த 15 ஆண்டுகளில் பாகிஸ்தானுக்கு 33 பில்லியன் டாலர்களை வழங்கிய அமெரிக்க தலைவர்களை பாகிஸ்தான் முட்டாள்களாக நினைத்துவிட்டது என அமெரிக்க அதிபர் டொனால்ட் டிரம்ப் ஆவேசமாக குறிப்பிட்டுள்ளார். டொனால்ட் ட்ரம்ப் தனது ட்விட்டர் பக்கத்தில் இந்த ஆண்டின் அவரது முதல் பதிவில் இந்தக் கருத்தை பதிவு செய்துள்ளார்.