பணப்பட்டுவாடா: ஆர்.கே.நகரில் பாஜக சாலை மறியல்

இடைத்தேர்தல் நடைபெறும் ஆர்.கே.நகர் தொகுதியில் பணப்பட்டுவாடா நடப்பதாகக் கூறி பாரதிய ஜனதா கட்சியினர் மறியலில் ஈடுபட்டனர். அக்கட்சியின் மாநிலத் தலைவர் தமிழிசை சவுந்தரராஜன், வேட்பாளர் கரு.நாகராஜன் மற்றும் தொண்டர்கள் இந்தப் போராட்டத்தில் ஈடுபட்டனர். 

வெளி மாவட்டங்களில் இருந்து வந்த பலர் தொகுதிக்குள் தங்கியிருப்பதாகவும், பணப்பட்டுவாடா செய்ய டோக்கன்கள் வழங்கப்படுவதாகவும் தமிழிசை குற்றம்சாட்டினார். பட்டப் பகலிலேயே பணப்பட்டுவாடா நடைபெறுவதால் இடைத் தேர்தலை நடத்திப் பயனில்லை எனக் குறிப்பிட்ட தமிழிசை, தேர்தல் ஆணையம் உரிய நடவடிக்கை எடுக்க வேண்டுமெனக் கேட்டுக் கொண்டார்.

ஆர்.கே.நகரில் ஏற்கெனவே முறைகேடாக பணப்பட்டுவாடா செய்யப்பட்டதாகக் கூறி இடைத்தேர்தலை ரத்து செய்திருந்தது தேர்தல் ஆணையம் என்பது குறிப்பிடத்தக்கது.