[X] Close

வெறும் கைகளால் கழிவறையை சுத்தம் செய்த மாணவிகள்: அரசு பள்ளியில் கொடுமை!

Cruelty--in-government-school

திருவள்ளூரில் கோட்டாட்சியர் அலுவலகம் எதிரே அமைந்துள்ள அரசு பள்ளியில், தலைமை ஆசிரியையின் உத்தரவின் பேரில் மாணவிகள் வெறும் கைகளால் கழிவறையை சுத்தம் செய்தது தொடர்பாக முதன்மை கல்வி அலுவலர் ஆய்வு மேற்கொண்டுள்ளார்.

திருவள்ளூர் மாவட்டம் ஜே.என்.சாலையில் கோட்டாட்சியர் அலுவலகம் எதிரே அ‌ரசு மகளிர் மேல்நிலைப்பள்ளி உள்ளது. அந்த பள்ளியின் கழிவறைகளை மாணவிகளே சுத்தம் செய்ய வேண்டும் என கடந்த 24ஆம் தேதி தலைமை ஆசிரியை மணிமேலை உத்தரவிட்டதாக கூறப்படுகிறது. இதனையடுத்து, மாணவிகள் சிலர் அழுது கொண்டே, வெறும் கைகளால் கழிவறையை சுத்தம் செய்யும் புகைப்படம் சமீபத்தில் வெளியாகியது.

இந்த சம்பவம் தொடர்பாக மாவட்ட ஆட்சியர் சுந்தரவல்லி உத்தரவிட்டதை அடுத்து, முதன்மை கல்வி அலுவலர் ராஜேந்திரன் பள்ளியில் ஆய்வு மேற்கொண்டுள்ளார். தலைமை ஆசிரியை மற்றும் ஆசிரியர்களிடம் விசாரணை நடைபெற்று வருகிறது. சம்பந்தப்பட்ட மாணவிகளிடமும் முதன்மை கல்வி அலுவலர் விசாரணை மேற்கொண்டார். விசாரணை முடிவில், தலைமையாசிரியர் மீது துறை ரீதியிலான ஒழுங்கு நடவடிக்கை எடுக்க அறிவுறுத்தியுள்ளார்.


Advertisement

வீடியோ

Advertisement:

Advertisement

Advertisement
[X] Close