Published : 26,Nov 2017 09:42 AM

ஆர்.கே.நகரில் யாருக்கு ஆதரவு என டிசம்பர் 3ல் முடிவு: வைகோ

Vaiko-about-RK-nagar-Election

ஆர்.கே. நகர் இடைத்தேர்தலில் யாருக்கு ஆதரவளிப்பது என்பதை, டிசம்பர் 3ம் தேதி நடைபெறவுள்ள உயர்நிலைக் குழு கூட்டத்தில் தான் முடிவெடுப்போம் என மதிமுக பொதுச்செயலாளர் வைகோ தெரிவித்துள்ளார். 

ஆர்.கே.நகர் தொகுதிக்கு டிசம்பர் 21ஆம் இடைத்தேர்தல் நடைபெறுகிறது. இத்தேர்தலில் திமுக சார்பில் மருதுகணேஷ் போட்டியிடுகிறார். அவருக்கு விடுதலை சிறுத்தைகள் கட்சி ஆதரவு தெரிவித்துள்ளது. அத்துடன் ஆர்.கே.நகர் இடைத்தேர்தலில் அதிமுக சார்பில் போட்டியிடும் வேட்பாளர் யார் என்பது குறித்த அறிவிப்பு நாளை வெளியாகும் என எதிர்பார்க்கப்படுகிறது.

இந்நிலையில் சென்னை விமான நிலையத்தில் செய்தியாளர்களைச் சந்தித்த வைகோ, மதிமுக உயர்நிலைக் குழு டிசம்பர் 3ஆம் தேதி நடைபெறுகிறது என்று தெரிவித்தார். அந்த கூட்டத்தில் தான் ஆர்.கே நகர் தேர்தலில் யாருக்கும் ஆதரவு தெரிவிப்பதா அல்லது ஆதரவின்றி புறக்கணிப்பதா என்று முடிவெடுக்கப்படும் என்று கூறினார். அத்துடன் இடைத்தேர்தலில் போது பணப்பட்டுவாடா நடைபெறாமல் தேர்தல் ஆணையம் தடுக்க வேண்டும் என்றும், 1980ஆம் ஆண்டு முதலே பணப்பட்டுவாடா என்பது இடைத்தேர்தலில் நடைபெற்று வருவதாகவும் தெரிவித்தார்.
 

சற்று முன்



எடிட்டர் சாய்ஸ்