தேசிய மல்யுத்த சாம்பியன்ஷிப் போட்டி: 3 நிமிடத்தில் தங்கம் வென்றார் சுஷில் குமார்

ramprasath

18,Nov 2017 08:27 AM

Sushil-Kumar--walks-over--to-a-gold-in-National-Wrestling-Championship

தேசிய மல்யுத்த சாம்பியன்ஷிப் போட்டியில் மொத்தம் 3 நிமிடங்களுக்கும் குறைவாகவே விளையாடி சுஷில் குமார் தங்கப்பதக்கம் வென்றுள்ளார்.

தேசிய மல்யுத்த சாம்பியன்ஷிப் போட்டி இந்தூரில் நடைபெற்று வருகிறது. ஒலிம்பிக் போட்டிகளில் இருமுறை பதக்கம் வென்ற சுஷில் குமார் இந்தப்போட்டியில் 74கிலோ எடை பிரிவில் பங்கேற்றார். முதல் போட்டியில் தன்னை எதிர்த்து போட்டியிட்ட வீரரை 3 நிமிடங்களுக்குள் வீழ்த்தி காலிறுதி போட்டிக்கு முன்னேறினார்.

முதல் சுற்றில் வெற்றி பெற்ற நிலையில் காலிறுதி, அரையிறுதி மற்றும் இறுதிப் போட்டியில் அவரை எதிர்த்து விளையாடவிருந்த வீரர்கள் விலகினர். இதனால் சுஷில் குமார் வெற்றி பெற்றதாக அறிவிக்கப்பட்டது. 3 ஆண்டுகளுக்குப் பிறகு மல்யுத்த களத்திற்கு திரும்பிய சுஷில் குமார் தங்கப்பதக்கத்துடன் பயணத்தை தொடங்கியுள்ளார்.