[X] Close

இலங்கை பந்துவீச்சாளர் லக்மல் சாதனை !

India-clueless-to-Sri-Lanka-paceman-Lakmal

முதல் ரன்னை விட்டுக்கொடுக்கும் முன், அதிக பந்துகளை கட்டுப்படுத்திய வீரர் என்ற சாதனையை இலங்கை கிரிக்கெட் அணியின் வேகப்பந்துவீச்சாளர் சுரங்கா லக்மல் படைத்துள்ளார்.

இந்தியா வந்துள்ள இலங்கை கிரிக்கெட் அணி, 3 டெஸ்ட், 3 ஒரு நாள் போட்டி மற்றும் 3 டி20 போட்டிகளில் விளையாடுகிறது. முதல் டெஸ்ட் போட்டி கொல்கத்தாவில் நேற்று முன் தினம் தொடங்கியது. டாஸ் வென்ற இலங்கை பந்துவீச்சை தேர்வு செய்தது. மழை காரணமாக, போட்டி நண்பகலில்தான் தொடங்கியது. முதல் நாள் வீசப்பட்ட முதல் பந்திலேயே லோகேஷ் ராகுலின் விக்கெட்டை வீழ்த்தினார் இலங்கை அணியின் வேகப்பந்துவீச்சாளர் சுரங்கா லக்மல்.

முதல் நாள் போட்டியில் 6 ஓவர்கள் வீசிய அவர், ஒரு ரன் கூட விட்டுக் கொடுக்கவில்லை. இரண்டாம் நாளும் தொடர்ந்து பந்துவீசிய லக்மல், தனது 47 வது பந்தில்தான் முதல் ரன்னை கொடுத்தார். இதன் மூலம் முதல் ரன்னை விட்டுக்கொடுக்கும் முன் அதிக பந்துகளை கட்டுப்படுத்திய பந்துவீச்சாளர் என்ற சாதனையை அவர் நிகழ்த்தியுள்ளார். 


Advertisement

இதற்கு முன் 2002-ல் வெஸ்ட் இண்டீஸ் வீரர் டெய்லர், ஆஸ்திரேலிய அணிக்கு எதிராக, 40 பந்துகள் வரை ரன் கொடுக்காமல் இருந்ததே சாதனையாக இருந்தது.

Advertisement:

Advertisement

Advertisement
[X] Close