Published : 06,Nov 2017 02:26 AM

பயிற்சிக்கு செல்லாதது ஏன்? விளக்குகிறார் பும்ரா

why-the-team-skipped-practice-ahead-of-the-second-T20-

நாங்கள் தொடர்ச்சியாக விளையாடி வருவதால் இரண்டாவது டி20-போட்டிக்கு முதல் நாள், பயிற்சியில் பங்கேற்கவில்லை என்று இந்திய கிரிக்கெட் அணியின் வேகப்பந்துவீச்சாளர் ஜஸ்பிரித் பும்ரா கூறினார்.

இந்தியா- நியூசிலாந்து அணிகளுக்கு இடையிலான 2வது டி20 போட்டியில் இந்திய அணி தோல்வி அடைந்தது. மூன்றாவது டி20 போட்டி திருவனந்தபுரத்தில் நாளை நடக்கிறது. 

இந்நிலையில் இந்திய கிரிக்கெட் அணியின் வேகப்பந்துவீச்சாளர் ஜஸ்பிரித் பும்ரா கூறும்போது, ’கடந்த போட்டியில் முகமது சிராஜ் அறிமுக வீரராக களமிறங்கினார். அவருக்கு இது தான் முதல் சர்வதேச போட்டி. சவாலான ஆடுகளத்தில் பந்து வீசுவது கடினம்தான். அவர் இங்குள்ள நிலைக்கு ஏற்ப தன்னை மாற்றிக்கொள்ள அவகாசம் தேவைப்படும். இந்த ஆட்டத்தில் இருந்து அவர் பாடம் கற்றுக்கொள்வார். தற்போது கிடைத்துள்ள அனுபவத்தில் இருந்து அடுத்து வரும் போட்டிகளில் அவர் சிறப்பாக செயல்படுவார். போட்டிக்கு முந்தைய நாள் பயிற்சியில் ஈடுபடாதது பற்றி கேட்கிறார்கள். நாங்கள் தொடர்ச்சியாக விளையாடி வருவதால், எங்களுக்கு ஓய்வு அவசியம். அதற்காக ஓட்டலில் சும்மா தூங்கிக்கொண்டு இருக்கவில்லை. அங்கும் பயிற்சி செய்தபடி இருந்தோம். இந்த போட்டியில் வென்றிருந்தால் இது போன்ற கேள்விகள் எழுந்திருக்காது’ என்றார்.

சற்று முன்



எடிட்டர் சாய்ஸ்