[X] Close

கிரிக்கெட்: பங்களா, தென்னாப்பிரிக்க அணிகளை அழைக்க பாக். முடிவு

Sethi-eyes-hosting-B---desh--South-Africa

பங்களாதேஷ் மற்றும் தென்னாப்பிரிக்கா அணிகளை பாகிஸ்தானுக்கு அழைக்க திட்டமிட்டுள்ளதாக அந்நாட்டு கிரிக்கெட் வாரியம் தெரிவித்துள்ளது. 

இலங்கை அணி, கடந்த 2009-ம் ஆண்டு பாகிஸ்தானில் விளையாடிய போது பயங்கரவாத தாக்குதலுக்கு உள்ளானது. இதில் 6 இலங்கை வீரர்கள் காயம் அடைந்தனர். 6 பாதுகாப்பு அதிகாரிகள் மற்றும் பொதுமக்களில் 2 பேர் உயிரிழந்தனர். இந்தச்சம்பவத்தால் இலங்கை அணி, பாகிஸ்தான் தொடரை ரத்து செய்துவிட்டு சொந்த நாட்டுக்குத் திரும்பியது. அதன்பின் எந்த நாடும் பாகிஸ்தான் சென்று விளையாடவில்லை. கடந்த 2015-ம் ஆண்டு ஜிம்பாப்வே மட்டும் விளையாடியது.இந்நிலையில் பாகிஸ்தான் - இலங்கை அணிகளுக்கு இடையிலான கிரிக்கெட் தொடர் ஐக்கிய அரபு எமிரேட்ஸில் நடத்தப்பட்டது. இதில் கடைசி டி20 போட்டி மட்டும் பாகிஸ்தானின் லாகூரில் நடந்தது.

இதையடுத்து பாகிஸ்தானில் மீண்டும் சர்வதேச போட்டிகளை நடத்த அந்நாட்டு கிரிக்கெட் வாரியம் தீவிரம் காட்டிவருகிறது. இதுபற்றி பாகிஸ்தான் கிரிக்கெட் வாரியத் தலைவர் நஜம் சேத்தி கூறும்போது,  ’சமீபத்தில் லாகூரில் நடந்த டி20 போட்டியில் இலங்கை அணி விளையாடியது. இது வெற்றிக்கரமான தொடர். இதை அடுத்த கட்டத்துக்கு நகர்த்தும் நோக்கமாக பாகிஸ்தானில் சர்வதேச போட்டிகளை நடத்த முயற்சி எடுத்து வருகிறோம். தென்னாப்பிரிக்கா மற்றும் பங்களாதேஷ் அணிகளுடன் கிரிக்கெட் தொடர் நடத்த திட்டமிட்டுள்ளோம்’ என்றார்
 


Advertisement
Advertisement:

Advertisement

Advertisement
[X] Close