[X] Close

கர்நாடகாவில் வாழும் அனைவரும் கன்னடர்களே: சித்தராமையா பேச்சு

Siddaramaiah-controversial-speech

கர்நாடகாவில் வாழும் அனைவரும் கன்னடர்களே என அம்மாநில முதலமைச்சர் சித்தராமையா தெரிவித்துள்ளார்.

கர்நாடக மாநிலம் உருவானதன் 62வது ஆண்டில் பெங்களூருவில் நடைபெற்ற நிகழ்ச்சியில் கலந்துகொண்டு அம்மாநில முதலமைச்சர் சித்தராமையா பேசினார். அப்போது, கர்நாடகாவில் உள்ள அனைத்துப் பள்ளிகளிலும் கன்னடம் பயிற்றுவிக்கப்பட வேண்டும் என உத்தரவிட்டார். கர்நாடகாவில் வசிப்போர் அனைவரும் கன்னடத்தை கற்றுக்கொள்வதோடு தங்களது குழந்தைகளுக்கும் கன்னடத்தை கற்றுக்கொடுக்க வேண்டும் என வலியுறுத்திய அவர், கர்நாடகாவில் வாழும் அனைவரும் கன்னடர்களே என தெரிவித்தார்.

தாம் எந்த ஒரு மொழிக்கும் எதிரானவன் அல்ல எனக் குறிப்பிட்ட சித்தராமையா, கர்நாடகாவில் இருந்து கொண்டே அம்மொழியை கற்காவிட்டால் அது கன்னடத்திற்கு செய்யும் அவமரியாதை என்றார். கர்நாடக மாநிலத்தில் பணியாற்றும் அதிகாரிகளுக்கு கன்னடமொழி தெரியவில்லை எனில், அவர்களுக்கு மாநிலத்தில் பணியாற்ற இடமில்லை என சித்தராமையா கடந்த சில மாதங்களுக்கு முன் தெரிவித்திருந்த நிலையில் தற்போது மீண்டும் கன்னட மொழிக்கு முக்கியத்துவம் தரும் வகையில் பேசியுள்ளார்.


Advertisement

வீடியோ

Advertisement:

Advertisement

Advertisement
[X] Close