[X] Close

அரசு மருத்துமனைகளுக்கு கூடுதல் மருத்துவர்கள் நியமனம்: விஜயபாஸ்கர்

Minister-Vijayabaskar-said-increase-the-government-doctor-counts

தமிழகம் முழுவதும் உள்ள அரசு மருத்துவமனைகளுக்கு கூடுதலாக மருத்துவர்கள் மற்றும் 300 ஆய்வக ‌பணியாளர்கள் நியமிக்கப்பட்டிருப்பதாக சுகாதாரத்துறை அமைச்சர் விஜயபாஸ்கர் தெரிவித்துள்ளார்.

சிவகங்கை அரசு‌ மருத்துவக் கல்லூரி மருத்துவமனையில், டெங்கு பாதிப்பால் அனுமதிக்கப்பட்ட குழந்தைகள் ‌வார்டு மற்றும் காய்ச்சல் பாதிப்பால் அனுமதிக்கப்பட்டவர்களின் வார்டுகளை அமைச்சர் விஜயபாஸ்கர் ஆய்வு செய்தார். அப்போது சிகிச்சை முறைகள் குறித்து மருத்துவர்களுக்கு அமைச்சர் சில ஆலோசனைகளை வழங்கினார்.

பின்னர் எம்.ஜி.ஆர் நூற்றாண்டு விழா கால்கோல் நிகழ்ச்சியில்‌ அமைச்சர் ஆர்.பி.உதயகுமாருடன், விஜயபாஸ்கரும் பங்கேற்றார். அங்கு செய்தியாளர்களிடம் பேசிய விஜயபாஸ்கர், கடந்த மாதத்தில் 1,113 மருத்துவர்கள் நியமிக்கப்பட்டுள்ளதாகவும், நாளை மறுநாள் 350 மருத்துவர்களுக்கு பணி ஆணை வழங்கப்பட உள்ளதாகவும் தெரிவித்தார். அத்துடன் கூடுதலாக 744 சிறப்பு மருத்துவர்களின் சான்றிதழ் சரிபார்ப்பு பணி நடைபெற்றுக் கொண்டிருப்பதாகவும் விரைவில் அவர்களும் பணியமர்த்தப்படுவார்கள் என்றும் கூறினார். மேலும் தமிழகம் முழுவதும் உள்ள அரசு மருத்துவமனைகளுக்கு கூடுதலாக மருத்துவர்கள் மற்றும் 300 ஆய்வக ‌பணியாளர்கள் நியமிக்கப்பட்டுள்ளதாகவும் விஜயபாஸ்கர் தெரிவித்தார்.


Advertisement

வீடியோ

Advertisement:

Advertisement

Advertisement
[X] Close