இந்தியாவுடனான பயிற்சி ஆட்டத்தில் நியூசிலாந்து அணி தோல்வி

இந்திய கிரிக்கெட் வாரியத் தலைவர் அணிக்கு எதிரான முதல் பயிற்சிப் போட்டியில் நியூசிலாந்து அணி 30 ரன்கள் வித்தியாசத்தில் தோல்வி அடைந்தது. 

ஆஸ்திரேலியாவைத் தொடர்ந்து நியூலாந்து அணியுடன் 3 ஒருநாள் மற்றும் 3 டி20 கிரிக்கெட் போட்டிகளில் இந்தியா விளையாட உள்ளது. ஒருநாள் போட்டித் தொடருக்கு பயிற்சி பெறும் வகையில், இந்திய கிரிக்கெட் வாரியத் தலைவர் லெவன் அணியுடன் 2 பயிற்சி ஆட்டங்களில் நியூசிலாந்து விளையாடுகிறது. இந்நிலையில் மும்பை பிராபோர்ன் ஸ்டேடியத்தில் நடந்த முதல் பயிற்சி ஆட்டத்தில் டாஸ் வென்ற நியூசிலாந்து அணி, பந்துவீச்சை தேர்வு செய்தது. இதனால் முதலில் பேட்டிங் செய்த இந்திய கிரிக்கெட் வாரியத் தலைவர் அணி, லோகேஷ் ராகுல், பிரித்வி ஷா, கருண் நாயர் ஆகியோரின் அரைசதங்களால் 50 ஓவர்களில் 9 விக்கெட் இழப்பிற்கு 295 ரன்கள் குவித்தது. பின்னர் விளையாடிய நியூசிலாந்து அணி 265 ரன்களில் ஆட்டமிழந்தது. இதன்மூலம் முதல் பயிற்சி ஆட்டத்தில் 30 ரன்கள் வித்தியாசத்தில் நியூசிலாந்து அணி தோல்வி அடைந்துள்ளது.