[X] Close

கடலில் கச்சா எண்ணெய் கசிந்த விவகாரம்: ஈரான் கப்பல் விடுவிப்பு

Iranian-ship-left-from-chennai

எண்ணூர் துறைமுகம் அருகே கச்சா எண்ணெய் கசிவு ஏற்படுத்திய ஈரான் நாட்டுக் கப்பல் சென்னையில் இருந்து சிங்கப்பூர் புறப்பட்டுச் சென்றது.

கடந்த ஜனவரி 28ஆம் தேதி இந்திய நாட்டின் டான் காஞ்சிபுரம் கப்பலும், ஈரான் நாட்டின் மேப்பில் என்ற சரக்கு கப்பலும் எதிர்பாராத விதமாக மோதிக் கொண்டன. அதில் டான் காஞ்சிபுரம் கப்பலில் இருந்து கச்சா எண்ணெய் கசிந்ததால், எண்ணூர் பகுதிக்குட்பட்ட மீனவ கிராம மக்கள் பாதிக்கப்பட்டனர். இதனால் கப்பல் நிறுவனங்கள் இழப்பீடு வழங்குமாறு, சென்னை உ‌யர்நீதிமன்றத்திலும், பசுமை தீர்ப்பாயத்திலும் வழக்கு தொடரப்பட்டது. இதையடுத்து மேப்பில் கப்பல் நிறுவனம் சார்பில் 203 கோடி ரூபாய்க்கு வங்கி உத்தரவாதம் அளிக்கப்பட்டது. அதனால் கப்பல் சிங்கப்பூர் புறப்பட்டுச் செல்ல கப்பல் போக்குவரத்து இயக்குநரகம் அனுமதி வழங்கியது. விபத்தில் சேதமடைந்த டான் காஞ்சிபுரம் கப்பல் எண்ணூர் துறைமுகத்தில் நிறுத்தி வைக்கப்பட்டுள்ளது.
 

Advertisement:

Advertisement

Advertisement
[X] Close