[X] Close

அஸ்வின், ஜடேஜா மீண்டும் சேர்க்கப்படாதது ஏன்?

Ashwin--Jadeja-ignored-again

நியூசிலாந்து அணிக்கு எதிரான ஒருநாள் கிரிக்கெட் தொடருக்கான இந்திய அணியில்  அஸ்வின், ஜடேஜா பெயர் மீண்டும் இடம் பெறவில்லை. அதே போல உமேஷ் யாதவ், முகமது ஷமி, கே.எல்.ராகுல் ஆகியோரும் நீக்கப்பட்டுள்ளனர்.

மூன்று ஒரு நாள் போட்டி மற்றும் மூன்று டி20 போட்டிகளில் விளையாடுவதற்காக, நியூசிலாந்து கிரிக்கெட் அணி இந்தியா வந்துள்ளது. முதலாவது ஒரு நாள் போட்டி வரும் 22 ஆம் தேதி மும்பையில் நடக்கிறது. அதற்கு முன்பாக நியூசிலாந்து அணி, இந்திய கிரிக்கெட் வாரிய தலைவர் லெவன் அணிக்கு எதிராக இரண்டு பயிற்சி ஆட்டங்களில் விளையாட இருக்கிறது. இதற்காக அறிவிக்கப்பட்ட இந்திய அணியில் இலங்கை தொடரில் இடம்பெற்ற வேகப்பந்துவீச்சாளர் தாகூருக்கு மீண்டும் வாய்ப்பு வழங்கப்பட்டுள்ளது. அதிகம் எதிர்பார்க்கப்பட்ட சுழல் பந்துவீச்சாளர் அஸ்வின், ஜடேஜாவுக்கு வாய்ப்பு வழங்கப்பட வில்லை. சமீபத்தில் நடந்த யோ யோ உடல் தகுதி தேர்விலும் தான் பாஸ் ஆகிவிட்டதாக அஸ்வின் கூறியிருந்தார். இருந்தும் அவர் அணியில் சேர்க்கப்படவில்லை.

’இலங்கை மற்றும் ஆஸ்திரேலியாவுக்கு எதிரான ஒரு நாள் போட்டிகளில் ’சைனாமேன்’ குல்தீப், சாஹல் சிறப்பாக பந்துவீசினர். அடுத்த உலகக் கோப்பையை கவனத்தில் கொண்டு வீரர்களை தயார்படுத்த வேண்டியிருக்கிறது. அதனால், ஜடேஜாவும் அஸ்வினும் இதில் சேர்த்துக்கொள்ளப்படவில்லை’ என்று தெரிவிக்கப்பட்டுள்ளது.
 


Advertisement
Advertisement:

Advertisement

Advertisement
[X] Close