[X] Close

காயத்துடன் விழுந்த யானை உயிரிழப்பு

Elephant-Dead-in-Palani

திண்டுக்கல் மாவட்டம் பழனியில் உடல்நலக்குறைவால் கீழே விழுந்த யானை, மருத்துவர்கள் அளித்த சிகிச்சை பலனளிக்காததால் உயிரிழந்தது.


Advertisement

பழனியில் வனப்பகுதியை ஒட்டியுள்ள வீரப்பன் என்பவரது தோட்டத்தில் 30 வயது மதிக்கத்தக்க பெண் யானை, 4 வயது குட்டியுடன் தஞ்சமடைந்தது. உடலில் காயங்கள் இருந்த நிலையில், தாய் யானை உணவு உண்ண முடியாமல் கீழே விழுந்தது. தாய் யானையின் அருகே இருந்த 4 வயதுடைய குட்டியானை, வனத்துறையினரை அருகில் வரவிடாமல் துரத்தியது. இதனால் சிகிச்சை அளிக்க தாமதமானது. பின்னர் குட்டி யானையை விரட்டி விட்டு நடக்க முடியாமல் இருந்த அந்த யானைக்கு வனத்துறை கால்நடை மருத்துவர்கள் சிகிச்சையளித்தனர். காயத்தில் நோய்தொற்று ஏற்பட்டதால், அந்த யானை காய்ச்சலால் பாதிக்கப்பட்டது தெரியவந்தது. அதனையடுத்து 50 பாட்டில் குளுக்கோஸ் ஏற்றப்பட்டு சிகிச்சை அளிக்கப்பட்டது. இந்நிலையில் சிகிச்சை பலனளிக்காமல் யானை உயிரிழந்தது. தாய் யானையை விட்டு பிரியாமல் குட்டி யானையும் அந்த பகுதியில் சுற்றி வருகிறது.

வீடியோ


Advertisement

Advertisement
[X] Close