Published : 12,Oct 2017 05:10 AM

’அர்ஜுன் ரெட்டி’ நம்பிக்கையே தரலை: ஷாலினி பாண்டே

I---m-open-to-a-live-in-relationship--Shalini-Pandey

தெலுங்கில் வெளியாகி சூப்பர் ஹிட்டான, ’அர்ஜுன் ரெட்டி’ மூலம் ஹீரோயின் ஆகி இருக்கிறார் ஷாலினி பாண்டே. டோலிவுட், கோலிவுட்டின் இப்போதைய மோஸ்ட் வான்டட் ஹீரோயின். தமிழில் ’100 பர்சென்ட் காதல்’ படத்தில் ஜி.வி.பிரகாஷ் ஜோடியாக அறிமுகமாகிறார். இந்தப் படத்தின் பூஜைக்காக, சென்னை வந்திருந்தார் ஷாலினி.

’சொந்த ஊர் ஜபல்பூர். சின்ன வயசுலயே நடிப்பு ஆர்வம். தியேட்டர் ஆர்ட்டிஸ்ட் ஆனேன். டிவி நிகழ்ச்சிகள் பண்ணினேன். சினிமாவுல நடிக்கிறதுல அப்பாவுக்கு விருப்பம் இல்லை. அரைகுறையா சம்மதிச்சார். தெலுங்கு ’அர்ஜுன் ரெட்டி’ வாய்ப்புக் கிடைச்சது. படம் பார்த்துட்டு, ’நல்லா நடிச்சிருக்கே’ன்னு அப்பா பாராட்டினார். அது எனக்கு பெரிய கிஃப்ட். அதுல 16 முத்தக்காட்சி இருந்தது. லிப் லாக் காட்சிகள். கதைக்கு அது முக்கியம்ங்கறதால அதை வீட்டுல பெரிசா எடுத்துக்கலை. ’அர்ஜுன் ரெட்டி’ ரொம்ப பிரமாதமான கதைன்னு சொல்ல முடியாது. ஆனா, அந்த கேரக்டர்கள் எல்லாத்தையும் எல்லோரும் கம்பேர் பண்ணி பார்த்துக்க முடியும். படம் முடிஞ்சு நான் முதன் முதலா பார்த்தப்ப, எனக்கு நம்பிக்கையே வரலை. ஹிட்டாகும்னு நினைச்சோம். ஆனா, இவ்வளவு பெரிய ஹிட்டை எதிர்பார்க்கலை. இப்ப, ’100 பர்சென்ட் காதல்’  மூலம் தமிழுக்கு வர்றேன். சாவித்ரியின் வாழ்க்கை வரலாறான ’நடிகையர் திலகம்’ படத்துலயும் நடிக்கிறேன்’ என்கிற ஷாலினிக்கு லிவ்-இன் ரிலேஷன்ஷிப் ரொம்ப பிடிக்குமாம்!

 

சற்று முன்



எடிட்டர் சாய்ஸ்