[X] Close

தோனி வளர கங்குலியின் தியாகம்தான் காரணம்: சேவாக்

Ganguly-s-Sacrifice-made-MS-Dhoni-the-Cricketer-He-is-Today--Sehwag

தோனி, இந்தளவுக்கு இன்று வளர்ந்திருக்கிறார் என்றால் அதற்கு முன்னாள் கேப்டன் சவுரவ் கங்குலியின் தியாகம்தான் காரணம் என்று இந்திய கிரிக்கெட் அணியின் அதிரடி ஆட்டக்காரர் வீரேந்திர சேவாக் கூறினார்.


Advertisement

கங்குலி கேப்டனாக இருந்த போது, 2004-ல் இந்திய அணியில் சேர்க்கப்பட்டார் தோனி.  மூன்றாவது வீரராக களமிறங்கிய தோனி, அந்த ஆண்டில் பாகிஸ்தானுக்கு எதிராக 148 ரன்களும், இலங்கைக்கு எதிரான 183 ரன்களும் குவித்து தன்னை நிரூபித்தார். 

இதுபற்றி வீரேந்திர சேவாக் கூறும்போது, ‘ அப்போது பேட்டிங் ஆர்டரில் பரிசோதனை முயற்சி செய்தோம். நல்ல ஓபனிங் பார்ட்னர்ஷிப் கிடைத்தால், சவுரவ் கங்குலி 3 வது இடத்தில் இறங்க முடிவு செய்திருந்தார். ஆனால் நல்ல பார்ட்னர்ஷிப் கிடைக்காததால், இர்பான் பதான் போன்றோரை அந்த இடத்தில் விளையாட வைத்தோம். அப்போது கங்குலி, இரண்டு மூன்று போட்டிகளில் தோனியை மூன்றாவது வீரராக களமிறக்கினார். சில கேப்டன்கள் மட்டுமே தங்கள் இடத்தை எனக்கோ, தோனிக்கோ விட்டுக்கொடுத்திருக்கிறார்கள். கங்குலி, தோனிக்கு அவர் இறங்கும் 3 வது இடத்தை விட்டுக் கொடுத்திருக்காவிட்டால், தோனி பெரிய வீரராக ஆகியிருக்க வாய்ப்பில்லை. அது அவரது தியாகம். அவர் தொடர்ந்து அப்படி கொடுத்து வந்தார். அதோடு இளம் வீரர்களை கங்குலி அதிகமாக நம்பினார். அவரைப் போலவே, அடுத்து கேப்டனாக வந்த ராகுல் டிராவிட், தோனியை ஒரு முழுமையான கிரிக்கெட்டராகவும் சிறப்பாக ஆட்டத்தை முடிப்பவராகவும் மாற்றினார். சில ஆட்டங்களில் மோசமான ஷாட்களை தேர்ந்தெடுத்து அவுட் ஆனார் தோனி. அப்போது டிராவிட் தோனியிடம் கடுமையாக நடந்துகொண்டார். இதையடுத்து தனது ஆட்டத்தை மாற்றிய தோனி, ஆட்டத்தை சிறப்பாக முடிப்பவராக மாறினார். அந்த காலகட்டத்தில் தோனி-யுவராஜ் சிங் பார்ட்னர்ஷிப், மறக்க முடியாதது’ என்றார்.


Advertisement

Advertisement

Advertisement
[X] Close