Published : 06,Oct 2017 02:46 PM

தமிழகம், புதுச்சேரியில் மழை பெய்ய வாய்ப்பு

Rainfall-in-Tamil-Nadu-and-Puducherry

அடுத்த இரு நாட்களில் வடதமிழகம் மற்றும் புதுச்சேரியில் அநேக இடங்களிலும், தென் தமிழகத்தில் ஒருசில இடங்களில் மிதமான மழையும் பெய்ய வாய்ப்புள்ளதாக சென்னை வானிலை மையம் அறிவித்துள்ளது. 

வளிமண்டலத்தின் கீழடுக்குப் பகுதிகள், தெற்கு கர்நாடகா மற்றும் வடதமிழகத்தை ஒட்டியுள்ள பகுதியில் மேலடுக்கு சுழற்சி நிலவுகிறது. மேலும் தெற்கு ஆந்திரா முதல் தென் தமிழகம் வரை குறைந்த காற்றழுத்த தாழ்வு நிலை நிலவுவதாகவும் வானிலை ஆய்வு மையம் கூறியுள்ளது. அதன்காரணமாக, அடுத்த இரு நாட்களில் வடதமிழகம் மற்றும் புதுச்சேரியில் அநேக இடங்களிலும், தென் தமிழகத்தில் ஒருசில இடங்களில் மிதமான மழையும் பெய்ய வாய்ப்புள்ளதாகவும் அறிவிக்கப்பட்டுள்ளது.

அதே போல் மேற்கு மாவ‌ட்டங்கள் மற்றும் வடமேற்கு மாவட்டங்களிலும், சென்னையைப் பொறுத்தவரை ஒருசில இடங்களில் மழை பெய்ய வாய்ப்பிருப்பதாக சென்னை வானிலை ஆய்வு மையம் தெரிவித்துள்ளது. மேலும், தமிழகம், ஆந்திரா, கர்நாடகா, கேரளாவை உள்ளடக்கிய பகுதிகளில் 30 லிருந்து 37‌ சென்டி மீட்டர் வரை வடகிழக்கு பருவமழை பெய்ய வாய்ப்புள்ளதாக வானிலை ஆய்வு மைய ‌இயக்குநர் பாலசந்திரன் தெரிவித்துள்ளார்.

சற்று முன்



எடிட்டர் சாய்ஸ்