[X] Close

நடராஜனுக்கு உறுப்பு மாற்று சிகிச்சையில் விதிமீறல்: தமிழிசை குற்றச்சாட்டு

Tamilisai-Soundararajan-about-Natarajan-treatment

புதிய பார்வை இதழின் ஆசிரியர் நடராஜனுக்கு, உறுப்பு மாற்று சிகிச்சை அளித்ததில் விதிமீறல்கள் இருப்பதாக தமிழக பாஜக தலைவர் தமிழிசை சவுந்தரராஜன் குற்றம்சாட்டியுள்ளார்.

திருச்சியில் செய்தியாளர்களிடம் பேசிய அவர், “நடராஜனுக்கு உறுப்பு மாற்று அறுவை சிகிச்சை நடைபெற்றுள்ளது. தஞ்சாவூரில் இருந்து இளைஞர் ஒருவரால் உறுப்புகள் தானமாக கொடுக்கப்பட்டுள்ளன. ஆனால் இதில் உறுப்பு மாற்று விதிகள் பல மீறப்பட்டுள்ளன. இது பல சந்தேகங்களை எழுப்பியுள்ளது. எனவே உடனடியான இந்த சந்தேகங்கள் தீர்க்கப்படவேண்டும் என்பது மட்டுமில்லாமல் இதுகுறித்து விசாரிக்கப்பட வேண்டும்” என்றார்.

மேலும், “எந்த மருத்துவமனை ஒருவர் மூளைச்சாவு அடைந்துவிட்டார் என்று அறிவிக்கிறதோ அந்த மருத்துவமனைக்குதான் அவருடைய உறுப்புகளை வாங்குவதற்கு உரிமை உள்ளது. மிகவும் ஏழ்மை நிலையில் இருக்கும் இளைஞர், எப்படி குளோபல் மருத்துவமனைக்கு எடுத்துச் செல்லப்படுகிறார். அதற்கான செலவை யார் கொடுத்தது. எனவே அதுகுறித்து தீவிரமாக விசாரிக்கப்பட வேண்டும்” என்று தமிழிசை கூறினார்.


Advertisement

வீடியோ

Advertisement:

Advertisement

Advertisement
[X] Close