சென்னை மக்களை நடுங்க வைத்த இடி: வடமாவட்டங்களில் 3 பேர் உயிரிழப்பு

rajakannan

04,Oct 2017 03:12 AM

Rain-hits-chennai-with-thunder-3-died-in-north-district

சென்னையில் இடி மின்னலுடன் பரவலாக மழை பெய்தது. வடமாவட்டங்களில் இடி தாக்கியதில் மூன்று பேர் உயிரிழந்தனர்.

காற்றழுத்தத் தாழ்வு நிலை காரணமாக சென்னையின் பல்வேறு பகுதிகளில் இரவு முழுவதும் மழை பெய்தது. ராயபுரம், தண்டையார்பேட்டை, கிண்டி, வடபழனி, ஈக்காட்டுத்தாங்கல் உள்ளிட்ட இடங்களில் இடி மின்னலுடன் கூடிய மழை பெய்தது. சில இடங்களில் பலத்த சத்தத்துடன் இடி சத்தம் கேட்டதால் மக்கள் அச்சத்தில் உறைந்தனர். ஆங்காங்கே சூறைகாற்று வீசியதைத் தொடர்ந்து இரவு முழுவதும் மழை தூரிக் கொண்டே இருந்தது.

தாழ்வான பகுதிகளில் மழை நீர் தேங்கியதால் வாகன ஓட்டிகள் சிரமத்திற்கு ஆளாயினர். சென்னையின் புறநகர் பகுதிகளிலும் ப‌ரவலாக மழை பெய்தது. திருவள்ளூர் மாவட்டம் களாம்பாக்கத்தில் இடி தாக்கியதில் ஒரே குடும்பத்தைச் சேர்ந்த இருவர் உயிரிழந்தனர். சோழவரத்தைச் சேர்ந்த கல்லூரி மாணவர் ரஞ்சித் என்பவரும் இடி தாக்கியதில் உயிரிழந்தார்.