[X] Close

எம்ஜிஆர் நூற்றாண்டு விழாவுக்கு பள்ளிக் குழந்தைகளை அழைத்து செல்ல தடை

Chennai-High-court-banned-to-take-school-children-to-MGR-ceremony

எம்ஜிஆர் நூற்றாண்டு விழாவுக்கு பள்ளிக் குழந்தைகளை அழைத்து செல்ல சென்னை உயர்நீதிமன்றம் தடை விதித்துள்ளது.

மாற்றம் இந்தியா நாராயணன் சென்னை உயர்நீதிமன்றத்தில் வழக்கு ஒன்றைத் தொடர்ந்திருந்தார். அதில், அரசு சார்பில் கொண்டாடப்படும் எம்ஜிஆர் நூற்றாண்டு விழாவுக்கு பள்ளிக் குழந்தைகள் அழைத்து செல்லப்படுகிறார்கள். குழந்தைகளுக்கும், அவர்களின் பெற்றோருக்கும் விருப்பம் இல்லாத போதும் இந்த நிகழ்வு நடைபெறுகிறது. பள்ளி சாரா நிகழ்ச்சிகளில் பங்கேற்க குழந்தைகளை அழைத்து செல்ல வேண்டுமென்றால், அதற்கான தகுந்த விதிமுறைகளை உருவாக்க வேண்டும் என வலியுறுத்தியிருந்தார். மேலும் இடைக்கால கோரிக்கையாக, சேலத்தில் வரும் 30-ஆம் தேதி எம்ஜிஆர் நூற்றாண்டு விழா நடைபெறுகிறது. இதில் பங்கேற்பதற்காக பள்ளிக் குழந்தைகள் அழைத்துச் செல்லப்படுவதற்கு தடை விதிக்க வேண்டும் எனவும் கோரிக்கை வைத்திருந்தார்.

இந்த மனு உயர்நீதிமன்ற நீதிபதி முன் இன்று விசாரணைக்கு வந்தது. அப்போது எம்ஜிஆர் நூற்றாண்டு விழாவுக்கு பள்ளிக் குழந்தைகளை அழைத்து செல்ல சென்னை உயர்நீதிமன்றம் தடை விதித்துள்ளது. மேலும் 2 வாரத்திற்குள் பதில் மனுத்தாக்கல் செய்வும் தமிழக அரசுக்கு உயர்நீதிமன்றம் ஆணை பிறப்பித்துள்ளது.


Advertisement
Advertisement:

Advertisement

Advertisement
[X] Close