Published : 07,Jan 2023 09:59 PM

காயத்தில் இருந்து குணமடைந்த ரோகித் சர்மா... ஜிம்மில் ஆடிய டான்ஸ்!

Rohit-Sharma-recovers-from-injury----Do-you-know-what-he-did-in-the-gym-

உடற்பயிற்சிக் கூடத்தில் இந்திய அணி கேப்டன் ரோகித் சர்மா நடனம் ஆடும் வீடியோ இணையதளத்தில் வைரலாகி வருகிறது.

இந்திய அணி தற்போது, இலங்கைக்கு எதிரான டி20 தொடரில் விளையாடி வருகிறது. இந்த அணிக்கு ஹர்திக் பாண்டியா கேப்டனாக உள்ளார். அதன்படி, முதல் போட்டியில் இந்தியாவும், இரண்டாவது போட்டியில் இலங்கையும் வெற்றிபெற்றிருந்தன. மூன்றாவது போட்டி இன்று ராஜ்கோட்டில் நடைபெற்று வருகிறது. இவ்விரு அணிகளுக்கான ஒருநாள் போட்டி வரும் 10ஆம் தேதி, கெளகாத்தியில் நடைபெற இருக்கிறது.

image

ஒருநாள் போட்டி கேப்டன் ரோகித் சர்மா தலைமையில் இந்திய அணி விளையாட இருக்கிறது. சமீபத்தில் நடைபெற்ற வங்கதேசத்துக்கு எதிரான இரண்டாவது ஒருநாள் போட்டியில் விளையாண்ட ரோகித்துக்கு விரலில் காயம் ஏற்பட்டது. இதையடுத்து அந்தப் போட்டியிலிருந்து விலகினார். மேலும், 3வது ஒருநாள் போட்டியிலும் அவர் பங்கேற்கவில்லை.

தொடர்ந்து அந்த அணிக்கு எதிரான டெஸ்ட் தொடரிலிருந்தும் விலகினார். இதையடுத்து, அவருக்குப் பதில் கேப்டன் பொறுப்பை கே.எல்.ராகுல் ஏற்றார். ஒருநாள் தொடரை இந்தியா இழந்தாலும் டெஸ்ட் தொடரைக் கைப்பற்றியது. அதுபோல் காயம் காரணமாக தற்போது விளையாடி வரும் இலங்கைக்கு எதிரான டி20 தொடரிலும் ரோகித் சர்மா பங்கேற்கவில்லை.

இந்த நிலையில், வரும் 10ஆம் தேதி தொடங்க இருக்கும் இலங்கைக்கான ஒருநாள் தொடரில் மீண்டும் ரோகித் சர்மா களம் காண இருக்கிறார். அதற்கான உடல்தகுதியைப் பெற்ற அவர், தொடர்ந்து உடற்பயிற்சியில் ஈடுபட்டு வருகிறார். தற்போது அவர், ஜிம்மில் பயிற்சி செய்யும் வீடியோ ஒன்றை வெளியிட்டு உள்ளார். அதில் பயிற்சியின்போது கால்களை ஆட்டியபடி மகிழ்ச்சியில் நடனம் ஆடுகிறார். பின்பு எழுந்து நின்று உற்சாகமாய் நடனம் ஆடுகிறார். இந்த வீடியோ இணையதளத்தில் வைரலாகி வருகிறது.

சற்று முன்



எடிட்டர் சாய்ஸ்