Published : 25,Sep 2017 08:25 AM

எலும்பு முறிவு: நாடு திரும்புகிறார் ஆஸி. வீரர்!

Ashton-Agar-to-return-home-with-broken-finger

கைவிரலில் ஏற்பட்ட எலும்பு முறிவு காரணமாக, ஆஸ்திரேலிய சுழல் பந்துவீச்சாளர் ஆஸ்டன் அகார் நாடு திரும்புகிறார். 

இந்தியாவில் சுற்றுப்பயணம் செய்து விளையாடி வருகிறது ஆஸ்திரேலிய கிரிக்கெட் அணி. ஐந்து போட்டிகள் கொண்ட ஒரு நாள் கிரிக்கெட் தொடரை 3-0 என்ற கணக்கில் கைப்பற்றியுள்ளது இந்தியா. இந்தூரில் நேற்று நடந்த போட்டியின்போது ஆஸ்திரேலிய அணியின் சுழற்பந்துவீச்சாளர் ஆஸ்டன் அகார் காயம் அடைந்தார். பவுண்டரியை நோக்கி வேகமாகச் சென்ற பந்தை எல்லைக் கோட்டின் அருகே அகார் தடுத்தார். அப்போது அவர் கைவிரலில் காயம் ஏற்பட்டது. பின்னர் எக்ஸ்ரே எடுத்து பார்த்தபோது அவரது கைவிரலில் எலும்பு முறிவு ஏற்பட்டிருப்பது தெரிய வந்தது. இதையடுத்து அவர் நாடு திரும்புகிறார். அவருக்குப் பதில் வேறு வீரரை ஆஸ்திரேலிய அணி சேர்க்கவில்லை என்று கூறப்படுகிறது. 

சற்று முன்



எடிட்டர் சாய்ஸ்