[X] Close

பூட்டிய வீட்டில் 13 சவரன் நகை கொள்ளை

Madurai-theft-police-enquiry

மதுரை மாவட்டம் உசிலம்பட்டி அருகே முறுக்கு கம்பெனி அதிபர் வீட்டில் 13 சவரன் தங்க நகை கொள்ளையடிக்கப்பட்டுள்ளது. 

மதுரை மாவட்டம் உசிலம்பட்டி அருகே கொக்குடையான்பட்டியைச் சேர்ந்த சுரேஷ் என்பவர் சத்தீஸ்கர் மாநிலத்தில் முறுக்கு கம்பெனி வைத்துள்ளார். இவர் கடந்த சில மாதங்களுக்கு முன் தனது சொந்த ஊரில் உள்ள, தன் வீட்டை பூட்டிவிட்டு சத்தீஸ்கர் மாநிலத்திற்கு சென்றுவிட்டதாக கூறப்படுகிறது. இவ்வீட்டின் முன்புற விளக்கை தினமும் சுரேஷின் சகோதரி பேச்சியம்மாள், இரவில் போட்டுவிட்டு காலை மீண்டும் அணைத்துவிட்டு செல்வது வழக்கம்.  

இந்நிலையில் இரவு வீட்டின் முன்பகுதியில் உள்ள விளக்கை போட்டுவிட்டு சென்ற பேச்சியம்மாள் காலை வழக்கம் போல் விளக்கை அணைக்க வந்தபோது, வீட்டின் கதவுகள் உடைக்கப்பட்டு இருப்பதை கண்டு அதிர்ச்சியடைந்தார். பின்னர் உள்ளே சென்று பார்த்தபோது பீரோ உடைக்கபட்டு இருப்பதைக் கண்டு உசிலம்பட்டி காவல்துறைக்கு தகவல் அளித்தார். இதன் அடிப்படையில் உசிலம்பட்டி குற்றப்பிரிவு போலீசார் நடத்திய சோதனையில், 13 சவரன் தங்க நகை மற்றும் 3 கொலுசுகள் திருடு போனது கண்டறியப்பட்டது. இதுகுறித்து வழக்கு பதிவு செய்துள்ள போலீஸார், திருட்டில் ஈடுபட்ட மர்ம நபர்களை தேடி வருகின்றனர். 


Advertisement

Advertisement

Advertisement
[X] Close