Published : 28,Nov 2022 07:14 AM

கத்தார் உலகக் கோப்பை கால்பந்து திருவிழா: டிராவில் முடிந்த ஜெர்மனி-ஸ்பெயின் போட்டி

Qatar-World-Cup-Football-Festival--Germany-vs-Spain-draw

கத்தார் உலகக் கோப்பை கால்பந்து தொடரில் நேற்று நள்ளிரவு நடைபெற்ற ஜெர்மனி ஸ்பெயின் இடையேயான போட்டி டிராவில் முடிந்தது.

ரசிகர்களின் கண்களுக்கு விருந்து படைத்துக் கொண்டிருக்கும் கத்தார் கால்பந்து போட்டியின் லீக் சுற்று ஆட்டங்கள் ;நடைபெற்று வருகிறது. இந்நிலையில், நேற்று மதியம் 3.30 மணிக்கு நடைபெற்ற போட்டியில் ஜப்பான் கோஸ்டாரிகா அணிகள் பலப்பரீட்சை நடத்தியது. இதில், ஆட்டத்தின் முதல் பாதியில் இரு அணிகளும் கோல் அடிக்காத நிலையில், இரண்டாவது பாதி ஆட்டத்தின் 81-வது நிமிடத்தில் கோஸ்டாரிகா அணி வீரர் புல்லர் ஒரு கோல் அடித்து தனது அணிக்கு வெற்றியைத் தேடித்தந்தார். இதன் மூலம் கோஸ்டாரிகா அணி 1:0 என்ற கோல் ஜப்பான் அணியை வென்றது.

image

இதனைத் தொடர்ந்து மாலை 6.30 மணிக்கு நடைபெற்ற மற்றொரு போட்டியில், மொராக்கோ பெல்ஜியல் அணியை எதிர்த்து விளையாடியது. முதல் பாதி ஆட்டத்தில் இரு அணிகளும் கோல் அடிக்கவில்லை, இந்நிலையில், இரண்டாவது பாதி ஆட்டத்தின் 73-வது நிமிடத்தில் கோஸ்டாரிகா வீரர் சாய்ஸ் ஒரு கோல் அடித்து தனது அணியை முன்னிலை படுத்தினார். ஆட்டத்தின் 90+2 வது நிமிடத்தில் கோஸ்டாரிகா வீரர் அபூக்லால் ஒரு கோல் அடித்து தனது அணியின் வெற்றியை உறுதிபடுத்தினார். இதன் மூலம் 2:0 என்ற கோல் கணக்கில் கோஸ்டாரிகா மொராக்கோ அணியை வென்றது.

image

இதையடுத்து இரவு 9.30 மணிக்கு நடைபெற்ற போட்டியில் குரோஷியா கனடா அணிகள் களம் கண்டன. ஆட்டம் தொடங்கிய 2-வது நிமிடத்தில் கனட வீரர் டேவிஸ் ஒரு கோல் அடித்து தனது அணியை முன்னிலை படுத்தினார். இதையடுத்து ஆட்டத்தின் 36 மற்றும் 70-வது நிமிடங்களில் குரோஷியா வீரர் கிராமரிக் இரண்டு கோல்களை அடித்தார். இதைத் தொடர்ந்து ஆட்டத்தின் 44-வது நிமிடத்தில் குரோஷியா வீரர் லிவாஜா, ஆட்டத்தின் 90+4-வது நிமிடத்தில் மேஜர் ஆகியோர் தலா ஒருகோல் அடித்த நிலையில், 4:1 என்ற கோல் கணக்கில் குரோஷியா அணி கனடா அணியை பந்தாடியது.

image

நள்ளிரவு 12.30 மணிக்கு நடைபெற்ற போட்டியில் பலம்வாய்ந்த ஜெர்மனி மற்றும் ஸ்பெயின் அணிகள் மோதின. ஆட்டத்தின் முதல் பாதி டிராவில் முடிந்த நிலையில், இரண்டாவது பாதி ஆட்டத்தின் 62-வது நிமிடத்தில் ஸ்பெயின் அணி வீரர் மொராட்டா ஒருகோல் அடித்து தனது நாட்டு ரசிகர்களை மகிழ்ச்சியடையச் செய்தார். ஆனால் இந்த மகிழ்ச்சி நீண்டநேரம் நீடிக்கவில்லை. ஆட்டத்தின் 83-வது நிமிடத்தில் ஜெர்மனி வீரர் ஃபுல்கிருக் ஒருகோல் அடித்தார். இதைத் தொடர்ந்து இரு அணிகளும் கோல் அடிக்காத நிலையில், 1:1 என்ற கோல் கணக்கில் போட்டி டிராவில் முடிந்தது.

சற்று முன்



எடிட்டர் சாய்ஸ்