Published : 07,Sep 2022 08:09 PM

கால்குலேட்டர் சொல்லும் கணக்கு! ஆசியக்கோப்பை பைனலுக்கு இந்தியா செல்ல இதுதான் வழி!

This-is-the-way-for-India-to-go-to-the-Asia-Cup-final-

ஆசிய கோப்பை தொடரில் இலங்கைக்கு எதிரான போட்டியில் 6 விக்கெட் வித்தியாசத்தில் தோல்வியைச் சந்தித்தது இந்திய அணி. லீக் சுற்றின் இரு போட்டிகளிலும் பாகிஸ்தான் மற்றும் ஹாங்காங் அணிகளைப் பந்தாடிய இந்திய அணி, சூப்பர் 4 சுற்றில் பாகிஸ்தான் மற்றும் இலங்கை ஆகிய இரு அணிகளுக்கு எதிராக தொடர்ச்சியாக இரண்டு ஆட்டங்களில் தோல்வியை சந்தித்துள்ளது. இதன்மூலம் ஆசியக் கோப்பை இறுதிப் போட்டிக்கு செல்வதற்கான இந்தியாயின் வாய்ப்பு கேள்விக்குறியாகி உள்ளது.

Image

பைனலுக்கு இந்தியா செல்ல இதுதான் வழி:

சூப்பர் 4 சுற்றில் இந்தியா தோல்வியை சந்தித்துள்ள போதிலும் இந்திய அணி இறுதிப்போட்டிக்குள் நுழைவதற்கு இன்னும் வாய்ப்பு உள்ளது. அதற்கு ஆர்சிபி அணி பயன்படுத்தும் அந்த கால்குலேட்டரை கொஞ்சம் தூசி தட்டிப் பார்ப்போம்.

1. ஷார்ஜாவில் இன்று (செப். 7) நடைபெறும் ஆப்கானிஸ்தான் - பாகிஸ்தான் இடையிலான போட்டியில் பாகிஸ்தான் அணி தோல்வியடைய வேண்டும். மிகப்பெரிய ரன் வித்தியாசத்தில் அல்லது குறுகிய ஓவருக்குள் இலக்கை எட்டி ஆப்கானிஸ்தான் வெற்றி பெற்றால் இன்னும் சிறப்பு.

Image

2. நாளை (செப். 8) நடைபெறும் இந்தியா - ஆப்கானிஸ்தான் இடையிலான போட்டியில் இந்திய அணி வெற்றி பெற வேண்டும். மிகப்பெரிய ரன் வித்தியாசத்தில் அல்லது குறுகிய ஓவருக்குள் இலக்கை எட்டி வெற்றி பெறுவதும் அவசியம்.

3. வெள்ளிக்கிழமை (செப்டம்பர் 10) அன்று இலங்கை - பாகிஸ்தான் இடையிலான போட்டியில் பாகிஸ்தான் அணி தோல்வியடைய வேண்டும். இதன்மூலம் இலங்கை அணி நேரடியாக ஆசியக்கோப்பை இறுதிப்போட்டிக்குள் அடியெடுத்து வைத்துவிடும்.

இலங்கைக்கு எதிராக களமிறங்கும் எதிரணி எது என்பதில் மற்ற மூன்று அணிகளுக்குள்ளும் போட்டி ஏற்படும். மேற்குறிப்பிட்ட 3 அம்சங்களும் அப்படியே நடந்து, இந்திய அணி பாகிஸ்தான் மற்றும் ஆப்கானிஸ்தானை விட அதிக ரன் ரேட் பெற்றிருந்தால், இந்திய அணி இறுதிப் போட்டிக்குள் நுழையும்.

ஆனால் இந்த 3 அம்சங்களில் ஒன்று சொதப்பினால் இந்திய அணியின் இறுதிப் போட்டிக்குள் நுழையும் வாய்ப்பு முழுவதுவாக முடிவை சந்திக்கும்.

சற்று முன்



எடிட்டர் சாய்ஸ்