Published : 28,Jul 2022 05:54 PM

கார்த்தியின் ‘விருமன்’ இசை வெளியீட்டு விழா எப்போது? - வெளியான தகவல்

Actor-karthi-s-Viruman-Audio-launch-might-be-August-3rd-in-Madurai

கார்த்தியின் விருமன் இசை வெளியீட்டு விழா மதுரையில் நடக்க உள்ளதாக தகவல் வெளியாகியுள்ளது.

கடந்த 2015-ம் ஆண்டு வெளியான ‘கொம்பன்’ திரைப்படத்திற்குப் பிறகு இயக்குநர் முத்தையா மற்றும் நடிகர் கார்த்தி இரண்டாவது முறையாக கூட்டணி அமைத்துள்ளப் படம் ‘விருமன்’. இந்தப் படத்தில் கார்த்திக்கு ஜோடியாக, இயக்குநர் ஷங்கரின் மகள் அதிதி நடிக்கிறார். இந்தப் படத்தின் மூலம் அதிதி ஷங்கர் திரையுலகில் அறிமுகமாகிறார். மேலும் சரண்யா பொன்வண்ணன், பிரகாஷ்ராஜ், ராஜ்கிரண், சூரி ஆகியோர் முக்கிய கதாபாத்திரங்களில் நடிக்கின்றனர்.

சூர்யா-ஜோதிகாவின் 2டி எண்டெர்டெயின்மெண்ட் நிறுவனம் இந்தப் படத்தை தயாரித்துள்ளது. ஏற்கெனவே இந்தப் படத்தின் ‘கஞ்சா பூவு கண்ணால’ பாடல் வெளியாகி வரவேற்பு பெற்ற நிலையில், வருகிற ஆகஸ்ட் 31-ம் தேதி விநாயகர் சதுர்த்தியன்று படம் வெளியாவதாக அறிவிக்கப்பட்டது. எனினும், விக்ரமின் ‘கோப்ரா’ படம் போஸ்ட் புரொடக்ஷன்ஸ் பணிகளால், ஆகஸ்ட் 11-ம் தேதியிலிருந்து, ஆகஸ்ட் 31-ம் தேதிக்கு மாற்றப்படலாம் எனத் தகவல்கள் வருகின்றன. இதனால் ‘விருமன்’ படம் முன்னதாகவே, அதாவது ஆகஸ்ட் 11-ம் தேதியே திரையரங்கில் ரிலீஸ் ஆகலாம் என்று கூறப்படுகிறது.

image

இந்நிலையில், ‘விருமன்’ படத்தின் ஆடியோ வெளியீட்டு விழா, வருகிற ஆகஸ்ட் 3-ம் தேதி மதுரை நகரில் நடைபெற உள்ளதாக தகவல் வெளியாகியுள்ளது. தேனி மற்றும் மதுரை சுற்றுவட்டாரப்பகுதிகளில் படப்பிடிப்பு நடந்தநிலையில், ஆடியோ வெளியீட்டு விழாவை அங்கு நடத்த படக்குழு திட்டமிட்டுள்ளதாகக் கூறப்படுகிறது. இந்தப் படத்திற்கு யுவன் சங்கர் ராஜா இசையமைத்துள்ளார்.

சற்று முன்



எடிட்டர் சாய்ஸ்