Published : 12,Sep 2017 08:22 AM

சொத்து ஆவணங்களை வெளியிடத் தயார்: சிதம்பரம்

Ready-to-release-property-documents--Chidambaram

தமது குடும்ப சொத்து தொடர்பாக தேவையான ஆவணங்களை வெளியிடத் தயார் என முன்னாள் மத்திய நிதியமைச்சர் ப.சிதம்பரம் தெரிவித்துள்ளார்.

ப.சிதம்பரம் கடந்த 2007 ஆம் ஆண்டில் மத்திய நிதியமைச்சராக இருந்தபோது, ஐஎன்எஸ் மீடியா, 305 கோடி ரூபாய் வெளிநாட்டு நிதி பெற முறைகேடு நடந்ததாக எழுந்த குற்றச்சாட்டில், அவரின் மகன் கார்த்தி சிதம்பரம் மீது சிபிஐ நீதிமன்றத்தில் வழக்கு தொடரப்பட்டது. இந்த வழக்கில் கணக்கில் காட்டப்படாத சொத்துக்கள் இருப்பதாக புகார் எழுந்தது.

தனது மகன், கார்த்திக் சிதம்பரத்திற்கு வெளிநாடுகளில் கணக்கில் காட்டாத சொத்துக்கள் இருப்பதாக சிபிஐ கூறிய குற்றச்சாட்டிற்கு சிதம்பரம் மறுப்பு தெரிவித்துள்ளார். இதுதொடர்பாக ட்விட்டரில் கருத்து பதிவிட்டுள்ள ப.சிதம்பரம், “ஆதாரமற்ற குற்றச்சாட்டுகளை சுமத்தி, தமது குரலை ஒடுக்க முயற்சி நடப்பதாகவும், அது ஒருபோதும் நிறைவேறாது” என்றும் தெரிவித்துள்ளார்.