[X] Close

அதிமுக முன்னாள் எம்.எல்.ஏ. திமுகவில் இணைந்தார்

Former-MLA-of-AIADMK-Joined-the-DMK

சேலம் மேற்கு தொகுதி அதிமுக முன்னாள் சட்டமன்ற உறுப்பினரான ரவிச்சந்திரன் திமுகவில் இணைந்தார்.

ஜெயலலிதா மறைவிற்குப் பிறகு அதிமுக கட்சிக்குள் பல்வேறு பிரச்னைகள் ஏற்பட்டு மூன்று அணிகளாக செயல்படும் நிலை தற்சமயம் நீடிக்கிறது. இதனால் தொண்டர்களுக்கு, கீழ்மட்ட நிர்வாகிகளுக்கு யார் தலைமையில் செயல்படுவது என்ற ஐயம் வலுத்து கொண்டே செல்கிறது. 

இதனிடையே, ஓ.பி.எஸ்- இ.பி.எஸ் அணிகள் இணைந்ததால் பிரச்சனைகளுக்கு முற்றுப் புள்ளி வைக்கப்படும் என்று எதிர்ப்பார்க்கப்பட்டது. ஆனால் அதன் பிறகு தினகரன் அணி விஸ்வரூபம் எடுத்தது. அந்த அணியின் எம்.எல்.ஏ.க்கள் 19 பேர் ஆளுநரை சந்தித்து முதலமைச்சர் எடப்பாடி பழனிச்சாமிக்கு எதிரான தனித்தனியே மனு அளித்தன. முதல்வரை மாற்றக்கோரி கோரிக்கை வைத்தன.


Advertisement

இந்த நிலையில், சென்னை அண்ணா அறிவாலயத்தில் இன்று திமுக செயல் தலைவர் மு.க.ஸ்டாலின் முன்னிலையில் ரவிச்சந்திரன் திமுகவில் இணைந்தார். 

அதிமுக முன்னாள் அமைச்சர் நயினார் நாகேந்திரன், வேலூர் முன்னாள் மேயர் கார்த்தியாயினி, ஆற்காடு முன்னாள் எம்.எல்.ஏ. சீனிவாசன் ஆகியோர் சமீபத்தில் அமித்ஷா முன்னிலையில் பா.ஜ.க.வில் இணைந்தது குறிப்பிடத்தக்கது.

Advertisement:

Advertisement

Advertisement
[X] Close