[X] Close

டீஷர்ட்டில் மிதாலிராஜ்... ரசிகர்கள் கடும் எதிர்ப்பு

Mithaliraj-in-Tashard-----Fans-are-strong-resistance

இந்திய பெண்கள் கிரிக்கெட் கேப்டன் மிதாலிராஜ் கடந்த இரு தினங்களுக்கு முன் ட்விட்டர் பக்கத்தில் வெளியிட்டுள்ள அவரது புகைப்படத்திற்கு பலரும் விமர்சனம் செய்து வருகின்றனர். 

உலகக் கோப்பை பெண்கள் கிரிக்கெட் போட்டியில் இறுதிப்போட்டி வரை இந்திய மகளிர் அணியை அழைத்துச் சென்று திறமையை நிரூபித்ததன் மூலம் பெண்கள் கிரிக்கெட் மீது கிரிக்கெட் ரசிகர்களின் கவனத்தை திரும்ப வைத்தவர் மிதாலி ராஜ். தனது நிதானமன அணுகுமுறை, செயல்பாடு, கேப்டன்ஷிப், திறமையான பேட்டிங் என கிரிக்கெட் ரசிகர்களை மிகவும் ஈர்த்தவர். 34 வயதான மிதாலி ராஜ் பெண்களை ஊக்குவிக்கும் விதமாக விளையாட்டில் முன்னேற வேண்டும் என பல கருத்துக்களைத் தெரிவித்தும் வருகிறார். 
இந்த நிலையில் செப்டம்பர் 5ம் தேதி மிதாலி ராஜ்  தனது ட்விட்டர் பக்கத்தில் தோழிகளுடன் எடுத்த செல்ஃபி புகைப்படத்தை வெளியிட்டிருந்தார். டி-சர்ட் அணிந்து அவர் பதிவிட்டுள்ள புகைப்படத்திற்கு ஆதரவாகவும், எதிர்த்தும் பலரும் கருத்துக்களை பதிவிட்டு வருகின்றனர். 

நீங்கள் ஆபாச நட்சத்திரமா? எப்படி மதிப்பது? ’இது நல்லதல்ல.. அழித்து விடுங்கள். பெண்களுக்கு முன்னுதாரணமாக இருக்கும் நீங்கள் இப்படிப்பட்ட ஆடைகளை அணியக்கூடாது.’‘இந்த காஷ்டியூமில் உங்களைப் பார்க்க விரும்பவில்லை. தவறு செய்யாதீர்கள். நீங்கள் இந்தியப்பெண்.. அதிலும் தமிழ்நாட்டின் மங்கை’ ’மிதாலிராஜ் இதுபோன்ற ஆடைகளை அணிவதை உங்களிடம் இருந்து எதிர்பார்க்கவில்லை, உங்கள் மீது அன்பும், மரியாதையும் வைத்துள்ள ரசிகர்களுக்கு மரியாதையாக நடந்து கொள்ளுங்கள்’ என்பன உள்ளிட்ட கருத்துக்களை வெளியிட்டு வருகின்றனர். 


Advertisement

Advertisement

Advertisement
[X] Close