Published : 05,Sep 2017 02:46 PM

உயிரிழந்த காவல்துறை அதிகாரி மகள் கனவை நிறைவேற்றுகிறார் கவுதம் கம்பீர்!

Gowtham-Gambhir-dead-by-police-officer-s-daughter

ஜம்முகாஷ்மீர் கலவரத்தில் உயிரிழந்த காவல்துறை அதிகாரி மகளின் கல்விசெலவை ஏற்க கிரிக்கெட் வீரர் கவுதம் கம்பீர் முன்வந்துள்ளார். 

ஜம்மு காஷ்மீர் மாநிலத்தில் அனந்தநாக் மாவட்டத்தில் கடந்த மாதம் நடந்த கலவரத்தின்போது காவல்துறை அதிகாரி அப்துல் ரஷீத்  கொல்லப்பட்டார். அவரது இறுதி சடங்கின்போது  அவரது மகள் சோரா கண்ணீர் விட்டு கதறியது பலரது மனதை உருக்கியது. அந்தச்சிறுமி சிறுமி கதறி அழுத படம் சமூக வலைதளங்களில் வெளியாகி பலரது அனுதாபத்தை பெற்றது. இந்நிலையில் சோராவின் கல்விச்செலவை கிரிக்கெட் வீரர் கவுதம் கம்பீர் ஏற்றுக்கொள்வதாகவும், அவரது டாக்டர் கனவை நிறைவேற்றி வைப்பதாகவும் தெரிவித்துள்ளார்.  
இதுகுறித்து அவரது ட்விட்டர் பதிவில், “சோரா, நான் உன்னை தாலாட்டுப்பாடி உறங்க வைக்க முடியாது, ஆனால் உன் கனவுகளை நீ வாழ நிச்சயம் உதவுவேன். வாழ்நாள் முழுதும் உன் கல்விக்காக நான் உதவி அளித்து ஆதரவளிப்பேன். இந்தியாவின் மகளான நீ உன் கண்களிலிருந்து கண்ணீரை பூமியில் சிந்த விடாதே. பூமித்தாய் கூட அதன் வலியின் சுமையைத் தாங்க மாட்டாள். உயிர்த்தியாகம் செய்த உன் தந்தை அப்துல் ரஷீத்துக்கு என் வீர வணக்கங்கள்”எனத் தெரிவித்துள்ளார். கௌதம் கம்பீருக்கு பல்வேறு தரப்பில் இருந்து பாராட்டுகள் குவித்து வருகின்றன.
ஏற்கெனவே சத்தீஷ்கர் மாநிலத்தில் நடந்த மாவோயிஸ்ட் தாக்குதலில் பலியான சிஆர்பிஎஃப் வீரர்கள் 15 பேரின் குழந்தைகளுக்கான கல்விச்செலவு முழுவதையும் ஏற்றுக்கொள்வதாக அறிவித்து அவர்களுக்கு கவுதம் கம்பீர் உதவி வருகிறார். 
 

சற்று முன்



எடிட்டர் சாய்ஸ்