[X] Close

அனிதா மரணம்: ஹெச்.ராஜா கேள்வி

H-Raja-question-about-Anitha-s-suicide

நீட் தேர்வுக்கு ஆதரவாக வேலூரில் மாணவர் ஒருவரின் தாயார் தற்கொலை செய்துகொண்டபோது எதிர்க்கட்சிகள் அமைதி காத்தது ஏன் என பாரதிய ஜனதா தேசிய செயலாளர் ஹெச்.ராஜா கேள்வி எழுப்பியுள்ளார். 

இதுதொடர்பாக டிவிட்டரில் பதிவிட்டுள்ள அவர், மாணவி அனிதாவின் முடிவு வருத்தமளிப்பதாக குறிப்பிட்டுள்ளார். வேளாண் கல்வி பயின்று விவசாயிகளுக்கு உதவப்போவதாக கூறிய மாணவி எப்படி தற்கொலை செய்துகொள்ள முடியும் என்றும் ஹெ.ச்.ராஜா வினவியுள்ளார். 
அதே நேரத்தில் அநாகரீகமான மற்றும் நியாயமற்ற முறையில் பாஜகவை, திமுக விமர்சிப்பது, செப்டம்பர் 20ஆம் தேதி வெளியாகவுள்ள 2ஜி வழக்கு தீர்ப்பு தேதிக்கு அக்கட்சி ஒத்திகை பார்ப்பதுபோல் உள்ளதாக ஹெச்.ராஜா சாடியுள்ளார். 

நீட் தேர்வு ரத்தாகிவிடும் என்ற அச்சத்தில் வேலூர் மாணவர் ஒருவரின் தாயார் சில தினங்களுக்கு முன் தற்கொலை செய்துகொண்டபோது எதிர்க்கட்சிகள் எங்கு சென்றன எனவும் கேள்வி எழுப்பியுள்ளார். அண்ணாமலைப் பல்கலைக்கழக மாணவர் உதயக்குமார் கொலையில் தொடர்புடையவர்கள் தற்போது முதலைக்கண்ணீர் வடிப்பதாகவும் பாரதிய ஜனதா தேசியச்செயலாளர் ஹெச்.ராஜா விமர்சித்துள்ளார்.


Advertisement

வீடியோ

Advertisement:

Advertisement

Advertisement
[X] Close