Published : 02,Feb 2022 10:28 PM

சென்னை மாநகராட்சி: காங்.க்கு 17, விசிக-வுக்கு 6 வார்டுகள் ஒதுக்கிய திமுக

DMK-allotted-17-wards-for-congress-and-6-wards-for-VCK-in-Chennai

நகர்ப்புற உள்ளாட்சித் தேர்தலையொட்டி வேட்பாளர்கள் பட்டியலை திமுக வெளியிட்டுள்ளது. அதோடு, கூட்டணியில் உள்ள காங்கிரஸ் மற்றும் விடுதலைச் சிறுத்தைகள் கட்சிகளுக்கு சென்னை மாநகராட்சியில் வார்டுகளை ஒதுக்கீடு செய்துள்ளது.

ஒரே நாளில் 6 மற்றும் 7ஆவது கட்ட வேட்பாளர்கள் பட்டியலை திமுக வெளியிட்டுள்ளது. அதன்படி, விழுப்புரம், கடலூர், புதுக்கோட்டை ஆகிய மாவட்டங்களில் நகராட்சி, பேரூராட்சி வார்டுகளுக்கான வேட்பாளர்கள் பெயர் 6 ஆவது பட்டியலில் இடம்பெற்றிருந்தது. அதேபோல் தஞ்சாவூர் மாவட்டம் ஒரத்தநாடு உள்ளிட்ட 5 பேரூராட்சிகளுக்கும் வேட்பாளர்கள் அறிவிக்கப்பட்டது. அதனைத் தொடர்ந்து 7ஆவது பட்டியலில் மதுரை, சிவகாசி ஆகிய மாநகராட்சிகளுக்கு வேட்பாளர்கள் பெயர் இடம்பெற்றுள்ளன. மேலும், ஒட்டன்சத்திரம், விருதுநகர், ராமநாதபுரம், சிவகங்கை உள்பட 9 நகராட்சி வார்டுகளுக்கு வேட்பாளர்களை திமுக பொதுச்செயலாளர் துரைமுருகன் அறிவித்துள்ளார். மதுரை மாவட்டம் பரவை, திண்டுக்கல் மாவட்டம் கீரனூர் உள்பட 6 பேரூராட்சிகளுக்கும், மேலும் காரியாபட்டி, ஆர்.எஸ்.மங்களம், முத்தூர் உள்பட 32 பேரூராட்சிகளுக்கும் திமுக வேட்பாளர்கள் அறிவிக்கப்பட்டுள்ளனர்.

மூன்றாம் பாலினத்தவரின் விரிவான மறுவாழ்வுக்கான நல உதவி: மத்திய அமைச்சர் தகவல்

இதனிடையே, சென்னை மாநகராட்சியில் திமுக கூட்டணியில் காங்கிரஸ் கட்சிக்கு 17 வார்டுகள் ஒதுக்கீடு செய்யப்பட்டுள்ளன. இதில் 6, 37, 92, 165 உள்ளிட்ட வார்டுகள் அடங்கும். அதேபோல், விடுதலைச் சிறுத்தைகள் கட்சிக்கு சென்னை மாநகராட்சியில் 6 வார்டுகளை திமுக ஒதுக்கியுள்ளது. 18, 72, 135 உள்ளிட்ட 6 வார்டுகள் விடுதலைச் சிறுத்தைகள் கட்சிக்கு ஒதுக்கப்பட்டுள்ளன.

சற்று முன்



எடிட்டர் சாய்ஸ்