[X] Close

திருப்பூர்: 7 மாத குழந்தையுடன் சிறுமி எடுத்த விபரீத முடிவு - காதலன் கைது

குற்றம்,தமிழ்நாடு

Tiruppur-A-girl-with-a-7-month-old-baby-was-arrested-by-her-boyfriend

உடுமலை அருகே 16 வயது சிறுமி தனது 7 மாத குழந்தையுடன் தீக்குளித்து தற்கொலை செய்து கொண்டதால் காதலன் கைது செய்யப்பட்டார்.

மடத்துக்குளம் வட்டம் காரத்தொழுவு கிராமத்தைச் சேர்ந்த 16 சிறுமிக்கும், அதே கிராமத்தைச் சேர்ந்த பொன்ராஜ் (21) என்பவருடன் பழக்கம் ஏற்பட்டு இது காதலாக மாறிய நிலையில், சிறுமி கர்ப்பம் அடைந்துள்ளார். அப்போது, சிறுமியின் பெற்றோர் அளித்த புகாரின்பேரில் காதலன் பொன்ராஜை போக்சோ சட்டத்தின் கீழ் கைது செய்த போலீசார், சிறையில் அடைத்தனர்.

இதையடுத்து சிறுமி கோவையில் உள்ள ஒரு இல்லத்தில் சேர்க்கப்பட்டார். பின்னர் கடந்த சில மாதங்களுக்கு முன்னர் கர்ப்பமாக இருந்த சிறுமிக்கு குழந்தை பிறந்ததும் தனது வீட்டிற்கு அழைத்து வரப்பட்டார். மேலும் காதலன் பொன்ராஜ் ஜாமீனில் வெளியே வந்து காரத்தொழுவில் கூலி வேலைக்கு சென்று கொண்டிருந்தார்.


Advertisement

இந்நிலையில் சிறுமி தனது 7 மாத குழந்தையுடன் கடந்த வெள்ளிக்கிழமை வீட்டில் யாரும் இல்லாத நேரத்தில் திடீரென தீ வைத்து தற்கொலைக்கு முயன்றுள்ளார். அப்போது அருகில் இருந்தவர்கள் தீயை அணைத்து காப்பாற்றி உடுமலை அரசு மருத்துவமனையில் சேர்த்துள்ளனர்.

image

பின்னர் மேல் சிகிச்சைக்காக கோவை அரசு மருத்துவமனைக்கு கொண்டு சென்றுள்ளனர். செல்லும் வழியிலேயே இருவரும் உயிரிழந்தனர். இதற்கிடையே தகவல் கிடைத்ததும் பொன்ராஜை கைது செய்த கணியூர் போலீசார், வழக்குப் பதிவு செய்து விசாரணை நடத்தி வருகின்றனர்.

Advertisement:

Advertisement

Advertisement
[X] Close