ஆம் ஆத்மியின் பஞ்சாப் மாநில முதல்வர் வேட்பாளர் யார்? - நாளை அறிவிக்கும் கெஜ்ரிவால்

ஆம் ஆத்மி கட்சியின் பஞ்சாப் மாநில முதல்வர் வேட்பாளர் தொடர்பான முக்கிய அறிவிப்பை நாளை வெளியிட உள்ளதாக அக்கட்சியின் தலைவரும், டெல்லியின் முதல்வருமான அரவிந்த் கெஜ்ரிவால் தெரிவித்துள்ளார். இந்தியாவில் ஐந்து மாநில சட்டப்பேரவைத் தேர்தல் சூடு பிடித்துள்ள நிலையில் பல்வேறு அரசியல் கட்சிகள் தங்களது வேட்பாளர்கள் குறித்த விவரங்களை வெளியிட்டு வருகிறது. 

அந்த வகையில் தங்கள் கட்சியின் பஞ்சாப் மாநில முதல்வர் வேட்பாளர் யார் என்பதை நாளை அறிவிப்பதாக தெரிவித்துள்ளார் கெஜ்ரிவால். முன்னதாக ஆம் ஆத்மியின் முதல்வர் வேட்பாளரை மக்களே முடிவு செய்வார்கள் என சொல்லியிருந்தார் அவர். 

Punjab CM face will be announced tomorrow at 12pm: AAP national convenor Arvind Kejriwal pic.twitter.com/4oX3NBAiZI

Advertisement

— ANI (@ANI) January 17, 2022

117 சட்டப்பேரவை தொகுதிகளை உள்ளடக்கிய பஞ்சாப் மாநிலத்திற்கு வரும் பிப்ரவரி 20-ஆம் தேதி தேர்தல் நடைபெற உள்ளது. தற்போது பஞ்சாப் மாநில சட்டப்பேரவையில் ஆம் ஆத்மி  எதிர்க்கட்சியாக உள்ளது. தற்போது அக்கட்சி 12 சட்டப்பேரவை உறுப்பினர்களை கொண்டுள்ளது.  அந்த கட்சியின் பஞ்சாப் மாநில தலைவர் பகவந்த் சிங் மான் முதல்வர் வேட்பாளராக அறிவிக்கப்பட வாய்ப்பு உள்ளதாக அரசியல் விமர்சகர்கள் தெரிவித்துள்ளானர்.